Sunday, February 17, 2013

EX-COMELEC CHAIRMAN VICTORINO A. SAVELLANO MEMORIAL RUN, NAANGAY

Cabugao, Ilocos Sur – Naangay ti 11th Victorino A. Savellano Memorial Run  a nagpartisiparan dagiti Runners iti  sangaprobinsiaan nga Ilocos Sur babaen ti Prizes by Age and Sex Category. 10 Kilometers ti tinaray ti  para Lallaki idinto ta 5 Kilometers ti para ti  babbai iti Pebrero 16, 2013 a maysa kadagiti nangpadaeg nga aktibidades ti 86th Foundation Anniversary ti Cabugao Institute.
Iti 16 years old and below, inyalat da Franz Calibuso, Male ken Diane Quitoriano, Female ti sag-P2,000 a First Prize; 17-19 Years Old, Ricky Gagarin, Male ken Analiza Fetalvero, Female; 20-29 Years Old: Arthur Garidan, Male ken Marilyn Sarino, Female; 30 Years Old and Above: Reynaldo Pasana, Male ken Agustina Agtaguem, Female.


Sag-P2,000 ti inawat dagiti nainaganan a Champion a lallaki ken babbai; kasta met nga P1,500 ti 2nd Prize; P1,000 ti 3rd Prize; P500 ti 4rth Place, agpada iti kategoria a lalaki ken babai. Nupay kasta, naikkan met ti liwliwa a P100 ti amin a Finisher Runners (Survivor’s Prize).


Inyawat da Dr. Cesar Soller, DVM, Dean ti ISCC Agriculture Campus ken Farm Manager ti BARANG-AY FARM, Brgy. Labnig, San Juan, Ilocos Sur, Ms. Dona Arrogante,  pannakabagi ti Vice Governor’s Office; Dr. Gil Savellano ti DepEd;  SBM Carlos V. Sison ken Mr. Amado Naval ti ISCC  iti Awarding of Prizes a naangay iti Compound ti Cabugao Institute,  Brgy. Bonifacio, Cabugao, Ilocos Sur.


Ti 11th Ex-Comelec Chairman Victorino A.  Savellano Memorial Run ket   pangpadayaw kadaydi Dios ti  Aluadna, Atty. Vicrorino A. Savellano, nag-Director ti Cabugao Institute  kasta  pay  a nag-Mayor, nag-Hues, COMELEC  Commissioner ken COMELEC Chairman iti  maikadua nga aldaw iti tallo nga aldaw  (Pebrero 15-17, 2013)  iti  pannakaselebrar ti 86th Foundation Anniversary ti Cabugao Institute, Inc., kaunaan a pageskuelaan-sekundaria ti ili a Cabugao, Ilocos Sur. # (Web In-Action)



No comments:

Post a Comment