Wednesday, February 13, 2013

AGKAKAMANGTON TI CONCRETE ROADS TI BRGY. NAMRUANGAN

Cabugao, Ilocos Sur – Iti pannaki-amad ti Web In-Action iti Pebrero 13, 2013, imbatad ni Brgy. Captain Robertson “Bongbong” Gorosope  a kalikagumda  a pagkakamangen a masemento ti kalsadada tapno pumintas pay ti buya ti barangayda ken naragsak ken nanam-ayda nga agdaliasat ken agallatiw iti papananda.

Kalepleppas ti tallo a disso a nakongkreto a paset ti kalsada: ti mabatogan ti eskuela ken Covered Court, ti kalsada a mapan iti Purok Pag-asa ken narugian ti kanto  ti kalsada a kumamang  ken tumpuar  idiay Sitio Panay-ogan.


Insupusop ni Brgy. Captain Gorospe a natalekda  nga agarapaap agsipud ta natunosda nga opisiales ken bumarangay nga agtitinnulong ken makikamkammayet  kadagiti Opisiales iti  benneg ti Gobierno Lokal.


Innayon pay ni Kapitan Gorospe iti panangipeksada ken dagiti kalugaranda iti panagyamanda iti Gobierno Munisipal nga idauluan ni Mayor Edgardo “Ediboy” S. Cobangbang, Jr. ken kasta met ken  ni Congressman Ryan Luis V. Singson  iti agtultuloy  a progreso a masagsagrap  ti barangayda. Kalikagumda pay ti maaddaan   ti Dos-Grado  a  Barangay Hall  with Multipurpose Building, segun pay ken ni Kapitan Gorospe. # (Web In-Action).



No comments:

Post a Comment