1st DAY TI MANGO CONGRESS IDIAY DAVAO, NAAWIS A NAGSARITA NI MAYOR EDIBOY

Cabugao, Ilocos Sur – Indauluan ni Mayor Edgardo “Ediboy” S. Cobangbang, Jr. ti delegasion ti ili a Cabugao, Ilocos Sur a nagatendar iti naangay a 16th National Mango Congress 2014  idi Oktubre 21-23, 2014 idiay Crown Convention Center, Digos City, Davao del Sur nga addaan ti Tema: “Retooling the Philippine Mango Industry Thru Strong, United and Empowered Stakeholders Associations Responsive to Climate Change”  ken  inesponsoran ti Philippine Mango Industry Foundation, Inc. ken ti United Mango Growers of Davao del Sur Cooperative. 

Kadua ni Mayor Ediboy a nagatendar da Vice Mayor DJ Savellano, SBM Danny Q. Gazmen, SBM Benedicto M. Savellano, SBM Atty. Bryann Jett S. Pano, Mrs. Ester P. Aguimbag, Secretary, Ilocos Sur Mango Growers Association ken Municipal HVCDP Coordinator  kasta metten  ni Mrs. Faith Sabio, President ti Cabugao Mango Farmers Multipurpose Association kadaytoy tallo nga aldaw a Mango Congress.

Iti Day 1, October 21, 2014, maibilang ni Mayor Ediboy a nagsarita iti Mango Congress  ket trinatarna iti maipapan iti Soil Fertility Mapping Project: LGU Blue Print for Sustainable Agriculture iti pakaseknan ti Production and Production Technology and Cultural Practices.

Nasangaili kadaytoy a Kongreso da DA Secretary Proceso J. Alcala ken ni Davao del Sur Governor Claude P. Bautista a  nag-Host kadaytoy a Mango Congress.

Kainaig daytoy, inawat ni Mayor Ediboy ti Plaque of Appreciation iti naangay a 16th National Mango Congress 2014 gapu iti “Exemplary Contribution  to the Mango Industry”. # (Web In-Action)