Cabugao, Ilocos Sur – Iti saan a panaggigiddan ti panagtalon maigapu iti Cropping Calendar and Pattern of Planting nangruna iti irrigated area a masakupan ti NIA-Communal Irrigation System (CIS) ket nagresulta ti saan a panagsasabay ti panaggapas dagiti mannalon. Apaman a mabalinen ti naluomen a dawa iti sinilong, nadaras a maakas dagiti dawa gapu iti pannakausar dagiti kabaruanan a ramit ti farm mechanized rice thresher a naipaay ti LGU-Cabugao ken ti Department of Agriculture (DA)-RFO 1 kadagiti mannalon iti ili ti Cabugao ita a Harvesting Season ti Wet Season 2014 (Hunio-Nobiembre).
Nupay kasta, manmanon ti agus-usar ti manual rice thresher ken dadduma pay a tradisional a wagas ti panagapit. Gapu ta makikankanunong met ti napintas a tiempo, gundawayan dagiti agpagapas ti nadardaras a pannakaitakdang ti maapitda babaen kadagiti nadakamat a kabaruanan a ramit.
Kabayatanna, saan a marigatan dagiti mannalon ta adda metten naited kadakuada a post-harvest facilities kas iti Flatbed Dryer, Multi-purpose Drying Pavement tapno mamantenerda ti Moisture Content (MC) ti dawa a mainugot iti nangatngato a presio ti irik iti agdama.
Kaaduan a mannalon ti mangnamnama a masubbotda ti gastosda iti panagtalonda ta nupay simmuknal dagiti bagyo ngem napigsa a tudtudo ti kaaduan nga imbatida a daytoy ketdi ti kinasapulan dagiti pagay a mula a nagtan-ay, segun iti DA-LGU Cabugao.
Nupay kasta, mayannurot pay laeng iti maipatpatungpal a programa ti Farmers Field School (FFS), Palay Check, ken ti Research Project nga itden ti DA-RFO 1 ken ti ILIARC-Batac City iti LGU-Cabugao kadagiti estratehiko a nakaaramidan ti Demonstration Site/Area kadagiti barangay ti Munisipalidad ti Cabugao. # (Web Situational Report)
No comments:
Post a Comment