Cabugao, Ilocos Sur – Kalpasan ti Flag Ceremony ti Pamilia-LGU iti Oktubre 20, 2014, pinadayawan ni Mayor Edgardo “Ediboy” S. Cobangbang, Jr. ni nag-Brgy. Captain Danny S. Garcia ti Barangay Dardarat ket naited kenkuana ti Plake a Pammadayaw a naggapu iti Bureau of Fisheries and Aquatic Resources (BFAR)-RFO 1 ken inyawat ni Mayor Ediboy kenkuana iti imatang ti Pamilia-LGU ken dagiti Municipal Officials iti sango ti Munisipio.
Innayon ti Ama ti Ili nga iti agtultuloy a pannakaigamulo ni Mr. Garcia a kas pangulo iti Fishermen Association, pangulo iti Municipal Fisheries and Aquatic Resource Management Council (MNFARMC) ti Cabugao ken Chairman, Integrated Fisheries and Aquatic Resource Management Council ti Probinsia ti Ilocos Sur ket adu ti nagapuananna ken pagsayaatan a nagun-odna a nakairamanan dagiti kalugaranna ken ti sibubukel nga umili ti Cabugao, Ilocos Sur. # (Web In-Action)
No comments:
Post a Comment