Cabugao, Ilocos Sur – Sagudayen ti Memorandum Circular No. 2014-125 ti Department of the Interior and Local Government (DILG), naideklara a “2014 Observance of the National Year of Rice in the Month of November” iti intero a pagilian babaen iti direktiba ni DILG Secretary Mar A. Roxas.
Daytoy a gannuat ket mainaig iti programa ken ti panangyuna ti Department of Agriculture (DA) nga idauluan ni DA Secretary Proceso J. Alcala a mangpaadu ti apit ken pagtaraon a bagas kadagiti umili.
Naipalaon iti nasao nga MC ti pannakaipan ti Streamer kadagiti pasdek ti LGU’s.; maidagadag kadagiti food establishments a mangidiayada iti Brown Rice ken Mix Rice iti maikadua ken maikatlo a Biernes ti Nobiembre 2014; ken iti pannakairakurak iti pakaseknan ti rice self-sufficiency program iti sapasap. # (Web In-Action)
No comments:
Post a Comment