Cabugao, Ilocos Sur – Nagselebrar ti Cabugao North Central School nga idauluan ni Mrs. Estrellita Munar Siruno, Principal II, CNCS iti Teachers Day idi Oktubre 3, 2014 iti ESC Auditorium, Cabugao North Central School Compound kas pammigbig ti naindaklan a propesion ken pagtaktakderan dagiti mangisursuro a mangidurdur-as ti sibilisado a kagimongan. Daytoy a Teacher’s Day ket napagkaykaysaan a maselselebraran iti intero a Pilipinas iti tinawen.
Partikular dagiti mangisursuro ti Cabugao North Central School a nagselebrar babaen ti panangorganisar ti Pupils Student Government ti programa kas Tribute-da kadagiti Teachers.
Kalpasan nga ipakaammo ni Mrs. Siruno ti panagrugi ti selebrasion, naipabuya dagiti intermission numbers dagiti nadumaduma a Grade Levels agraman ti Kindergarten a kas pangparagsakda iti nasao a programa
Naisaganad ti Parlor Games and Ballroom Dancing ken Trip Out to Vigan City iti malem dayta a petsa. Naragsak dagiti ubbing ken mangisursuro ken dagiti nagbuya nga ubbing, nagannak ken sangaili.
Naaramid pay ti Acrostic dagiti ubbing iti letra-por-letra a kaipapanan ti TEACHER. # (Web In-Action)
No comments:
Post a Comment