Cabugao, Ilocos Sur – Naangay ti Programa a mangirakurak ti panangtaripato ti salun-at babaen iti panangliklik kadagiti maiparit nga usaren nga agas kasta metten no kasano a tamingen dagiti addaan iti an-annayen ti isip babaen kadagiti Staff/Employees ti Tan-Yee Therapeutic Home Care, Psychiatric and Rehabilitation Center a masarakan idiay Barangay Pug-os, Cabugao, Ilocos Sur idi Oktubre 28, 2014 iti Cabugao Cultutral and Sports Complex, Brgy, Rizal, Cabugao, Ilocos Sur.
Iti naaramid a programa, indauluan ni Jelly A. Ponce, RN, HEPO DES/Infection Control Nurse, TYTHC-PRC iti ababa a kararag. Nag-Welcome Address ni Ms. Carissa Joy J. Cachapero, RN, Chief Nurse, TYTHC-PRC.
Iti Mensahe ni Mayor Edgardo “Ediboy” S. Cobangbang, Jr. a naawis a nagsarita ket kimmablaaw ken nagyaman iti amin a nagatendar ken ti sibubukel nga Staff ti Tan Yee Therapeutic Home Care iti programada a mangedukar kadagiti umili iti pakaseknan ti bagi ken panunot babaen kadagiti ipapaayda nga impormasion ken kaammuan a mainaig iti salun-at.
Innayon ti Ama ti Ili a babaen iti pannakaipatungpal dagitoy a programa iti kaaduan ket dakkel ti akem daytoy a mangtaming iti pakaseknan ti salun-at ken pannakanayon iti panangpadur-as ti kaammuan iti salun-at tapno agtultuloy a naresponsable dagiti umili a mangakem iti responsibilidadda iti las-ud ti pamilia ken iti komunidadda.
Iti symposium proper, naiyadal dagiti sumaganad a topiko ken dagiti nagan dagiti naglektiur: Drug Abuse and Addiction ni Mr. Lewis Paul S. Sablay, RN; Methamphetamine (Shabu) – Ms. Cariss Joy J. Cachapero, RN ken ni Mr. Jeffrey S. Tabula, RM; Cannabis (Marijuana) – Mr. Paul Anthony S. Valenton, RN ken ni Jelly A. Ponce, RN.
Naglektiur met ni SPO 1 Bernadette R. Aquino, PNP-Cabugao, WCPD maipapan iti Legal Issues on Drug Abuse idinto ta naglektiur ni Dr. Johann R. Yee, MD, BPBP, Medical Director, TYTHC-PRC ket trinatarna ti maipapan iti Schizophrenia, Bipolar Disorder ken Depression.
Naangay ti Film Viewing ken nayadal pay iti maipapan ti Therapeutics and Management on Psychiatric Illness & Rehabilitation.
Naaramid ti Open Forum ken Evaluation. Nangipaay met ti Mensahe ni Dr. Bernardino M. De Gracia III, Municipal Health Officer ti LGU-Cabugao.
Naisaganad ti Awarding of Certificates ken Closing Remarks ni Mr. Paul Anthony S. Valenton, RH, Head Nurse, TYTH-PRC.
Nagatendar dagiti Barangay Officials (Punong Barangay & Kagawad), Municipal Officials, RN Heals ken pannakabagi ti nadumaduma a sektor iti daytoy a Health Education Seminar. Nag-Emcee da Ms. Gloria A. Salarzon, RN ken ni Mr. Jeffrey S. Tabula, RN. # (Web In-Action)
No comments:
Post a Comment