UPDATE TI ID SYSTEM DAGITI MANGNGALAP

Cabugao, Ilocos Sur – Nairingpas ti pannakamasterlist para  iti maaramid nga Identification Card (ID)   dagiti mangngalap kadagiti asosasion a masakupan dagiti pito a Coastal Barangays ti ili a Cabugao, Ilocos Sur kas iti Brgy. Sabang, Daclapan, Salomague, Namruangan, Pug-os, Salapasap ken Dardarat babaen iti direktiba ti Bureau of Fisheries and Aquatic Resources (BFAR).

Daytoy a gannuat ket agpada  iti programa ti BFAR ken LGU-Cabugao a maikkan ti naan-anay nga identidad dagiti mangngalap kas kadagiti mannalon  tapno maiyintek dagiti pagsayataan a naisangrat para kadagiti mangngalap ken maammuan met ti dagup dagiti Fishermen iti tunggal disso a pagbasaran kadagiti mayataday a plano ken programa para iti pagikanan.

Segun ken ni Municipal Agriculturist Zenaida S. Andrada, manamnama nga itden ti DA ti ID dagiti mangngalap agingga iti Disiembre 2014. # (Web In-Action)