FARMERS GRADUATION TI BRGY. NAGSANTAAN, NAANGAY

Cabugao, Ilocos Sur – Naangay ti Field Day and Graduation ti Season-Long Farmers Field School OF Local Farmer Technician   on Sustainable Rice Production ti 27 a nagadal a mannalon iti Barangay Nagsantaan idi Oktubre 22, 2014 iti Barangay Auditorium, Barangay Nagsantaan, Cabugao, Ilocos Sur.

Daytoy a panagadal ket inesponsoran ti Dapartment of Agriculture-RFO 1, OPAG-Ilocos Sur, Agricultural Training Institute (DA-ATI)  ken iti LGU-Cabugao nga idauluan ni Mayor Edgardo “Ediboy” S. Cobangbang, Jr. ken impatungpal ti DA-LGU a tinarawidwidan da  Mr. Obas Bill Y. Baclig, AT,  Mr. Henry B. Saliganan ken ni Mr. Bert Vicente, agpada a Local Farmer Technician. 

Iti naangay a programa, indauluan ni Mr. Roberto P. Sablay,  FFS Participant ti ababa a kararag. Naibasa ti Panatang Makapalay babaen ken ni Mr. Julio S. Serna, FFS Participant.

Pammasangbay a balikas ti inakem ni Brgy. Captain Mario C. Peralta ti Brgy. Nagsantaan. Pinagyamananna iti DA ken ti LGU-Cabugao  kadaytoy a nagun-od dagiti mannalon a kalugaranda. Impeksa ti Kapitan a kankanayon koma latta  a mairamanda kadagiti programa ti Agrikultura iti LGU-Cabugao tapno maidur-as met ti kasasaad dagiti mannalon ditoy a lugar.

Acknowledgement of Guests/Participants ti inaramid ni Mr. Bert Vicente, LFT ken Presentation of PTD Result ti binagi  ni Mr. Joel S. Baclig, FFS Participant.

Nangipaay ti Impresssion da Mr. Wilson S. Gaspar, Mr. Floro G. Sinco ken ni Ex-Brgy. Captain Marcelo S. Saupan.

Nangipaay ti Mensahe ni Brgy. Captain Arnold “Bambi” V. Yangat ti Barangay Pug-os. Kimmablaaw ken nagyaman iti pannakadutokna nga agsarita  para kadagiti nagturpos, opisiales ken lumugar ti Barangay Nagsantaan. Dinakamatna ti pateg ti panangabrasa  dagiti mannalon ti agtultuloy a panagbaliw/pannakaipakat  ti Teknolohia iti panagmula ti pagay. Insingasingna a maipatungpal koma met ti kakastoy a proyekto kadagiti dadduma a barangay iti panagmulaan ti pagay tapno napardas ti panagdur-as  dagiti mannalon  iti Munisipalidad ti Cabugao.

Kinompirma  ni Ms. Marilou T. Cabalteja, Regional Rice Area Coordinator dagiti nagturpos ket ni met Municipal Agriculturist Zenaida S. Andrada ti nangibagi  ken ni Mayor Edgardo “Ediboy” S. Cobangbang, Jr.  a namagsapata kadagiti opisialesda  ken iti pannakaakseptarda a naggraduar iti nasao a kurso dagiti 27  a mannalon.

Naisaganad ti Distribution of Certificates ken naaramid pay ti Awarding of Certificates and Recognition of Oustanding Performance kadagiti FFS Participants. 

Nagatendar met da Mr. Mar Alibin ti OPAG-Ilocos Sur, kasta metten da Mr. Robert S. Savella, Mrs. Joenah G. Sevilleja,  ken ni Ms. Katrene  Joy  Tapuro, agpapada nga Agricultural Technologists ti DA-LGU Cabugao. Kasta pay  dagiti nagbuya a lumugar, sangaili  ken Opisiales  ti Barangay Nagsantaan. 

Sinerraan ni Municipal Agriculturist Zenaida S. Andrada ti programa. Nagyaman iti sapasap a nakipagtaming iti panagballigi daytoy a programa ti Munisipio kadagiti mannalon.  # (Web In-Action)