Maysa ti probinsia ti Ilocos Sur a pagpilian a pakaiyawatan ti pammadayaw a National Corn Achiever’s Award para iti daytoy a tawen, daytoy ti impakaammo ni Bokal Pablito Sanidad, Jr. itay nabiit.
Kinuna ni Sanidad, chairman ti committee on agriculture iti sangguniang panlalawigan, a manamnama a magun-od ti Ilocos Sur ti nasao a pammadayaw gapu iti napintas a produksion manipud iti Ryan Corn nga inrusat ni Governor Ryan Singson a maimula iti probinsia itay napan a tawen.
Bimmisitan ti national evaluation team iti probinsia tapno ebaluaranda daytoy a programa ti gobierno probinsial a mangpadakkel iti produksion ti mais.
Maysa a hybrid crop ti Ryan Corn a naggapu pay iti Vietnam.
Kabayatanna, naimula ken naidemonstrar metten ti Ryan Hybrid Corn iti ili ti Cabugao, Ilocos Sur ket manamnama a mamulaan ti 250 ektaria a pagmaisan babaen iti 694 a bilang ti mannalon iti First Cropping Season, October-December 2014.
Ti probinsia ti Pangasinan ti nakagun-od iti National Corn Achiever’s Award idi napan a tawen. # (Adapted, Tawidnews)
No comments:
Post a Comment