Cabugao, Ilocos Sur – Inangay ti District Office, DepED Cabugao ti dua nga aldaw a seminar/workshop on Campus Journalism idi Oktubre 20-21, 2014 iti Cabugao South Central School, Brgy. Bonifacio, Cabugao, Ilocos Sur.
Narugian iti Oktubre 20, nagpaut ti seminar/workshop mainaig iti campus journalism iti dua nga aldaw.
Nakipartisipar ditoy dagiti agad-adal iti nadumaduma a pagadalan iti ili ti Cabugao kas panagsaganada iti masungad a panagtataripnong dagiti young journalists.
Naisuro bayat ti nasao a seminar/workshop no kasano ti panangpasayaatda kadagiti obrada iti newswriting, copyreading, editorial writing, feature writing ken Science and Health feature, cartooning ken dadduma pay.
Karaman iti nasao a paseminar ti sports writing ken photojournalism.
Nangipaay ti Mensahe ni SBM Dr. Jemaima S. Tan-Yee, Committee Chair on Education. Bininsa ti Agpanpanday ti Linteg iti pateg daytoy nga aktibidad a karaman iti panagadal dagiti ubbing tapno masursuruanda a mangitag-ay ti kabaelanda ken iti kagimongan a naggapuanda.
Pinadayawan pay ni SBM Tan-Yee dagiti mangisursuro ken Trainers iti panangipaayda ti siribda kadagiti ubbing kadaytoy nga aspeto ti paglaingan.
Sakbay ti seminar proper, nangted ni Miss Jennifer D. Savellano, District Campus Journalism Coordinator iti Orientasion kadagiti nagseminar nga agad-adal. # (Web In-Action)
No comments:
Post a Comment