FFS GRADUATION TI BRGY. MARADODON, NABALLIGI

Cabugao, Ilocos Sur – Naangay ti Field Day and Graduation ti Season-Long Farmers Field School on Sustainable Rice Production ti 29 a nagadal a mannalon iti Sitio Caset, Barangay Maradodon idi Oktubre 24, 2014 iti Sitio Caset, Barangay Maradodon, Cabugao, Ilocos Sur.

Daytoy a panagadal ket inesponsoran ti Dapartment of Agriculture-RFO 1, OPAG-Ilocos Sur, ken iti LGU-Cabugao nga idauluan ni Mayor Edgardo “Ediboy” S. Cobangbang, Jr. ken impatungpal ti DA-LGU Cabugao.

Iti naangay a programa, indauluan ni Ms. Laidee Bonifacio,  FFS Participant ti ababa a kararag. Naibasa ti Panatang Makapalay babaen ken ni Mr. Artemio Cuchapin, FFS Participant.

Pammasangbay a balikas ti inakem ni Brgy. Captain Geogie R. Benavidez ti Brgy. Maradodon. Pinagyamananna iti DA ken ti LGU-Cabugao  kadaytoy a nagun-od dagiti mannalon a kalugaranda. 

Acknowledgement of Guests/Participants ti inaramid ni Mr. Nereo S. Daproza, MRPC/Facilitator.

Nangipaay ti Impresssion da Mr. Aniceto Garcia  ken ni  Ms. Lolita Tatson.

Nangipaay ti Mensahe ni Mr. Constante B. Botacion, Jr.,  OIC, Provincial Agriculturist. Kimmablaaw ken nagyaman kadagiti nagturpos, opisiales ken lumugar ti Barangay Maradodon. Dinakamatna ti pateg ti panangadaptar   dagiti mannalon ti agtultuloy a panagbaliw/pannakaipakat  ti Teknolohia iti panagmula ti pagay. Insingasingna a maipakat  koma met ti kakastoy a proyekto kadagiti dadduma a barangay iti panagmulaan ti pagay tapno napardas ti panagdur-as  dagiti mannalon  iti Munisipalidad ti Cabugao.

Kinompirma  ni Ms. Marilou T. Cabalteja, Regional Rice Area Coordinator dagiti nagturpos ket ni met Municipal Agriculturist Zenaida S. Andrada ti nangibagi  ken ni Mayor Edgardo “Ediboy” S. Cobangbang, Jr. a namagsapata kadagiti opisialesda ken iti pannakaakseptarda a naggraduar iti nasao a kurso dagiti 29  a mannalon.

Naisaganad ti Distribution of Certificates ken naaramid pay ti Awarding of Certificates and Recognition of Oustanding Performance kadagiti FFS Participants. 

Nagatendar met da Mr. Mar Alibin ti OPAG-Ilocos Sur kasta metten ni  Mr. Robert S. Savella,  Agricultural Technologist ti DA-LGU Cabugao. Kasta pay  dagiti nagbuya a lumugar, sangaili  ken Opisiales  ti Barangay Maradodon. 

Sinerraan ni Municipal Agriculturist Zenaida S. Andrada ti programa. Nagyaman iti sapasap a nakipagtaming iti panagballigi daytoy a programa ti Munisipio kadagiti mannalon.  # (Web In-Action)