Cabugao, Ilocos Sur – Agtultuloy ti pannakakompleto ti Track and Field Oval/Athletic Ground a proyekto ti LGU-Cabugao ken iti LGU-Probinsial a masarakan iti abagatan ti Cabugao South Central School, Bry. Bonifacio. Cabugao, Ilocos Sur.
Naisaruno a naporma ken napintaan ti disso iti pakaangayan ti dadduma nga ay-ayam tapno maisagana ti nadakamat a pasilidad para iti mapaspasangasangan nga Sports Competition.
Segun ken ni Mr. Ronel M. Ubaldo, Physical Education on School Sports (PESS) Coordinator ti Cabugao DepED District a ditoy ili ti Cabugao ti ag-Host ken pakaangayan ti Unit Meet Sports Competition 2014 a maaramid inton Nobiemrbre 5-7, 2014.
Ita pay, madama nga agsansanay dagiti atleta iti nadumaduma nga events ti Cabugao Team a manamnama a maisangal kadagiti atleta iti ili ti Sinait, San Juan ken Magsingal iti nadakamat a petsa ti dinnayo. # (Web In-Action)
No comments:
Post a Comment