Cabugao, Ilocos Sur – Naangay ti Seminar-Workshop dagiti Barangay Treasurer iti 33 a barangay ti ili a Cabugao, Ilocos Sur idi Oktubre 2, 2014 iti 2nd Floor, Barangay Hall Building, Brgy. Rizal, Cabugao, Ilocos Sur.
Naluktan ti seminar babaen iti panagsarita ni Ms. Marietta Cruz, Municipal Budget Officer ti ili a Cabugao. Nangited ti pammalagip maipapan iti umisu a pannakaisagana ti Barangay Annual Budget para iti CY 2015.
Nagintek ti naiyadal kadagitoy nga Appointed Barangay Officials iti pakabuklan ti Budget Preparation ken umisu a proseso sakbay iti pannakai-Public Hearingna iti barangay ken pannakaaprobarna iti Konseho Munisipal .
Manamnama nga iti panangileppasda kadaytoy a parte ti trabahoda ket mapasayaat pay ti serbisioda iti Barangay nga ibagianda kangrunaan iti umisu a proseso ti pannakaimanehar ti pundo kasta metten dagiti akemda a mangsaluad kadagitoy.
Kangrunaan pay a panggep ti seminar iti pannakaited ti nayon nga adal kadagiti kabarbaro nga agtakem a Barangay Treasurer iti dadduma a barangay tapno adda pamalpalatpatanda kadagitoy a nayon ti pagrebbenganda iti barangayda iti agdama ken iti masanguanan a tawen ti serbisioda. # (Web In-Action)
No comments:
Post a Comment