NAGSAPATA DAGITI YOUNG PUBLIC SERVANT KEN NI MAYOR EDIBOY

Cabugao, Ilocos Sur – Nagsapata dagiti napili a Young Public Servant (mangrugi ti Titulo ti Mayor, Bise Mayor ken saad iti Sangguniang Bayan agraman dagiti Ahensia a nakasalinong iti LGU-Cabugao agingga iti Department Heads ti nadumaduma nga Opisina ti LGU-Cabugao) ken ni Mayor Edgardo “Ediboy” S. Cobangbang, Jr. iti Oktubre 27, 2014 kalpasan ti Flag Ceremony iti imatang ti Pamilia-LGU Cabugao iti sango ti Munisipio.

CLICK HERE TO VIEW MORE PHOTOS

Napili ni ubing a Vince Carlo Saupan iti Cabugao North Central School a Mayor (Young Public Servant).

Nagpaay a Facilitator ni Mr. Dario Roy A. Siruno, Municipal Information Officer a nangipakaammo daytoy nga aktibidad ket inawaganna dagiti nagan ti napili a Public Young Servant kadagiti nadumaduma a pageskuelaan ti ili ti Cabugao para iti Opisina ti Mayor, Bise Mayor agingga iti Sangguniang Bayan ken nadumaduma a Departamento ti LGU kalpasan a  pinagsapata ida Mayor Ediboy iti imatang ti Pamilia-LGU, Municipal Officials ken dagiti pannakabagi dagiti Ahensia iti salinong ti LGU-Cabugao.

CLICK HERE TO VIEW MORE PHOTOS

Iti Mensahe ni Mayor Ediboy, kimmablaaw ken nagyaman ta maited manen daytoy a kompleto a pribilehio nga aktibidad para iti Munisipio - pannakaited ti pagrebbengan kadagiti ubbing nga agad-adal a mangakem kadagiti responsibilidad dagiti Opisiales Lokal ken dadaulo ti nadumaduma nga Opisina ti LGU iti naituding a panawen.

Innayon ni Mayor Ediboy a maragsakan kadaytoy a maar-aramid ta iti kinaganus ti isip dagitoy nga ubbing nga addaan ti potensial nga agbalin a lider ket masirmata  ti amin nga agtultuloy ti kinaurnos ken kinapintas ti ili a Cabugao iti masanguanan nga aldaw gapu ta matubtubaydan dagiti sumaruno a lideres nga umallawat iti masakbayan  a henerasion ti umili.

CLICK HERE TO VIEW MORE PHOTOS

Insupusop ti Ama ti Ili a dagitoy nga ubbing ket mataliawdanto dagitoy a pannakaikumit ti pagrebbengan kadakuada ket aramidendanto met dagiti umisu a galad ken pagrebbengan  a matuladda kadagiti nataengan para iti nadur-as nga ili ti Cabugao.

Kinarit ti Alkalde Munisipal dagitoy a Public Young Servant iti panangibiagda ti naikumit kadakuada a pagrebbengan a mangrugi iti daytoy a petsa a panagsapatada iti akemda. # (Web In-Action)

CLICK HERE TO VIEW MORE PHOTOS