Cabugao, Ilocos Sur – Naangay ti Field Day on Rice Research Projects – Wet Season 2014 iti Barangay Marga-ay, Cabugao, Ilocos Sur idi Oktubre 17, 2014 a no sadino a ditoy ket nagpartisiparan dagiti mannalon iti maisayangkat nga Experimental Area babaen iti panagsukisok nga aramiden ni Mr. Nereo Somera Daproza, Municipal Rice Program Coordinator babaen iti programa ti Ilocos Integrated Agricultural Research Center (ILIARC), Batac City ket ditoy ket agserbi da Mr. Crescencio Saplor ken ni Mr. Peregrino Sardeng a Farmer Cooperators. Manamnama a pagbasaran ti resulta daytoy a proyekto nga adaptaren dagiti mannalon ditoy a lugar ken iti kabangibangna a barangay.
Umuna a parte ti aktibidad iti dayta a petsa ket iti Field Walk ken Visitation of Experimental Site sakbay iti naaramid a programa.
Iti programa, naluktan babaen iti ababa a kararag nga indauluan ni Ms. Jeanette L. Nalundasan, Agriculturist 1. Inakem ni Ms. Joan R. Rarogal, Agriculturist 1 iti pannakaidaulo iti Panatang Makapalay.
Panglukat a sarita ti impaay ni Barangay Captain James S. Sera. Kimmablaaw ken nagyaamn ti Ama ti barangay ta maaaramid daytoy a programa ti research ditoy barangayda. Pinagyamananna agraman dagiti kakaduana iti Konseho ken kadagiti kalugaranna iti Deoartamento ti Agrikultura (DA) ken kasta metten iti LGU-Cabugao nga idauluan ni Mayor Edgardo “Ediboy” S. Cobangbang, Jr.
Acknowledgement of Guests and Participants ti inakem ni Municipal Agriculturist Zenaida S. Andrada.
Presentation of Results da Mr. Cresencio Saplor ken ni Mr. Peregrino Sardeng. # (Web In-Action)
No comments:
Post a Comment