Cabugao, Ilocos Sur – Maibatay iti rekord ni Mr. Edison Solatre, District Property Custodian ti Cabugao DepEd District ket nangited ti Departamento ti Edukasion (DepED), Division Office, Ilocos Sur iti nadumaduma a supplies (900 a Monobloc Chairs, Monobloc Tables, Garden Set a pakaibilangan ti Wheel Burrow, Rake, Spade ken dadduma pay) kadagiti pageskuelaan ti Cabugao DepED District itay nabiit.
Dagiti Monobloc Chairs ken Tables ket maisangrat a mausar iti Opisina ken no adda sangaili, miting wenno seminar iti pageskuelaan idinto ta maikonsentrar iti Gardening dagiti alikamen a dadduma pay a naited.
Innayon ni Mr. Solatre a ti pannakaited kadagitoy a supplies ket maibatay iti pagkasapulan ti maysa a pageskuelaan iti Elementaria ken Primaria iti Cabugao DepED District.
Manamnama a ti pannakanayon dagiti usarenda ket pumardas ti pannakapasayaat ti garden dagiti pageskuelaan ken panagsagsagana iti mapasungad a panagbibisita ken pakontes iti nasao nga Ahensia. # (Web In-Action)
No comments:
Post a Comment