Cabugao, Ilocos Sur – Nakongkreton ti sumrekan a kalsada no mapanka iti Sitio Namnama-Rizal, Brgy. Salomague, Cabugao, Ilocos Sur a maibilang a maysa kadagiti Tourist Destination ti ili a Cabugao, Ilocos Sur ken nalatak a lugar gapu iti kaasidegna iti pantalan ti Puerto Salomague.
Iti pannakiuman ti Web In-Action iti Setiembre 28, 2014, impeksa dagiti lumugar iti naan-anay a panagyamanda iti Gobierno Lokal nga idauluan ni Mayor Edgardo “Ediboy” S. Cobangbang, Jr. a mangilunglungalong iti agtultuloy a pannakapasayaat dagiti pasilidad ken impraestruktura ti barangay ken sitios nangruna iti kalsada a mangpasayaat pay iti panagdaliasat/mangpanam-ay kadagiti lumugar ken Turista nga agpasiar met kadaytoy a barangay.
Iti agdama, ti Barangay Salomague ket idadauluan ni Brgy. Captain Eliseo R. Serrano. # (Web In-Action)
No comments:
Post a Comment