Cabugao, Ilocos Sur –Naangay ti Pay-out kadagiti kameng ti Pantawid Pamilyang Pilipino Program (4 P’s) kadagiti 33 a barangay iti ili a Cabugao, Ilocos Sur idi Oktubre 22, 2014 iti Cabugao Cultural and Sports Complex, Brgy. Rizal, Cabugao, Ilocos Sur.
Dagiti immawat a 4 P’s ket adda iti masakupan ti Period 3 a nangted ti awatenda ket iti Sacred Heart Cooperative, Candon City ken ti Period 4 babaen iti Rural Bank of Gattaran, Inc., Cagayan Valley a dagitoy ket partner ti programa ken ti DSWD iti pannakaited ti Cash Grant kadagiti Beneficiaries.
Segun ken ni Ms. Aida S. Cueto, Focal Person ti 4 P’s Municipal Link nga adda 383 nga immawat a 4 P’s a naggapu iti 33 a barangay ti ili.
Sakbay a naited kadakuada ti gatad, naulit ti panangited ti pammagbaga dagiti Staff a mangbukel ti Municipal Link-Cabugao kadagiti Recipients kadagiti pagrebbenganda iti panangusarda kadagitoy nga awatenda a gatad.
Dagitoy nga aksion ken inisiatiba ket maigapu iti nasaknap a pannakaipakat ti pro-poor programs ken iti agtultuloy a pannakikammayet ti Gobierno Munisipal nga idauluan ni Mayor Edgardo “Ediboy” S. Cobangbang, Jr. kadagiti maseknan/tumulong nga Ahensia a kas iti DSWD a katulonganda a mangipatungpal kadaytoy a programa para kadagiti marigrigat a kaamaan ti kagimongan. # (Web In-Action)
No comments:
Post a Comment