Cabugao, Ilocos Sur – Maang-angay ti dua nga aldaw a pannakaangay ti Cabugao District Sports Competition (Oktubre 13-14, 2014) iti Cabugao Athletic Oval, Cabugao South Central School, Cabugao, Ilocos Sur.
Dagiti agsasalip ket dagiti napili nga atleta iti uppat a Zona iti naangay a Zone Meet iti kallabes iti 26 a pageskuelaan a nakabuklan dagiti sumaganad: Zone 1- dagiti pageskuelaan ti Pug-os, Reppa-ac, Nagsantaan, Salapasap, Bungro, Margaay ken ti Cabugao North CS; Zone 2- dagiti pageskuelaan ti Turod, Namruangan, Daclapan, Salomague, Dardarat ken Sabang; Zone 3- Cabugao South CS, Sagayaden, Pila, Nagsincaoan ken Lipit; Zone 4 – dagiti pageskuelaan ti Maradodon, Catucdaan, Sisim, Cael-layan, Cuantacla, Aragan, Arnap ken Carusipan.
Iti rugi ti paay-ayam, Oktubre 13, naangay ti Parada iti aglikmut ti Poblasion a nagpartisiparan dagiti Atleta, Officiating Officials, Coaches, Federated PTA, LGU, Barangay Officials ken Guests.
Nagtungpal ti Parada iti sango ti napapintas nga Stage ti likud ti Cabugao South Central School ket ditoy a nairugi ti Programa ken Coronation Rites.
Pakauna a sarita ti inted ni Mrs. Melvi S. Sajonia, Principal II, CSCS, ket impeksana ti nalaus a panagyamanda ta ditoy a pageskuelaan ti nakaipasdekan ti Cabugao Athletic Ground a pakaangayan ti District Meet ita a Tawen 2014. Pinagyamanan ti Principal ti Gobierno Munisipal nga idauluan ni Mayor Edgardo “Ediboy” S. Cobangbang, Jr., da Vice Gov. DV Savellano ken ni Governor Ryan Luis V. Singson iti panangilungalongda a maikkan ti ili a Cabugao iti napintas a pasilidad ti pagay-ayaman dagiti agsasalip nga ubbing iti pagadalan.
Kalpasan dagiti naipabuya nga intermisision number, nangipaay ti Mensahe ni SBM Dr. Jemaima S. Tan-Yee, Committee Chair on Education ket dinayawna ti napintas a panangkomplementar ti pageskuelaan kadagiti ilungalong ti LGU-Cabugao a pagsayaatan ti sports. Innayonna ti agtultuloy a panangiraman ti Gobierno Munisipal nga idauluan ni Mayor Ediboy kadagiti maaramid a pagsayaatan ti sector ti edukasion ken sports.
Nangipaay ti Inspirational Message ni Mayor Edgardo “Ediboy” S. Cobangbang, Jr. ket kimmablaaw ken nagyaman iti panangapresiar dagiti umili kadaytoy a naaramid a kabarbaro a pasilidad ti sports ti ili a Cabugao a naipasdek iti pageskuelaan ti Cabugao South Central School. Innayon ni Mayor Ediboy nga aniaman a pagimbagan a gubuayen daytoy a pagsayaatan ti eskuela ken kadagiti ub-ubbing ket katulongan latta a manghulma iti panagtan-ay dagiti ubbing nga agbalin a naresponsable nga umili.
Pinadayawan pay ti Ama ti Ili ti Federated PTA Officials ken dagiti School Heads iti pannakikaysada a nangisagana kadaytoy a pasilidad ti pagay-ayaman tapno mausar kadaytoy a District Competition. Impeksa ni Mayor Ediboy ti panagyamanna ken iti sangkailian iti pannakibinnadang da Vice Gov. DV Savellano ken ni Governor Ryan Luis V. Singson iti pannakaipasdek daytoy nga Athletic Ground. Ingunamgunam pay ti Alkalde Munisipal pay a maaywanan koma ken mamantener daytoy a pasilidad tapno agtultuloy a napintas ti usarna para kadagiti agad-adal.
Simmaganad ti pannakaaramid ti Investiture ti Mr. & Miss Sportfest 2014. Kinoronaan da Mayor Edgardo “Ediboy” S. Cobangbang, Jr. ken ni SBM Dr. Jemaima S. Tan-Yee da Mr. Sportfest 2014 Mark Vincent Gorospe ti Cabugao North Central School ken ni Miss Sportfest 2014 Cristele Joy Fior Addatu ti Daclapan Elementary School.
Sash, Cape, Coronets, Scepter, Lei, Boquet ken Trophies met ti insaad dagiti kameng ti Konseho Munisipal nga idauluan ni Vice Mayor Deogracias Jose Victor H. Savellano agraman dagiti nagannak iti innem a Runner-ups ken School Heads ti nadumaduma a pagadalan.
Iti Part III ti programa, nagmensahe da Brgy. Captain Valentin S. Tuyor, Jr. ken ni SBM Atty. Bryann Jett S. Pano, Committee Chair on Sports. Naaramid ti Lighting of the Symbolic Torch babaen kadagiti Cabugao Soccer Players, RIAA 2013; indauluan ni Elijah Sivila, Zone 1 Athlete Leader ti Athlete’s Oath. Kalpasan ti Raising of the District Athletic Flag babaen kadagiti Zone President & Partner, naaramid ti Declaration of the Formal Opening of the 2014 District Sports Competition babaen ken ni Mr. Ronel M. Ubaldo, District PESS Coordinator. # (Web In-Action)
Dagiti agsasalip ket dagiti napili nga atleta iti uppat a Zona iti naangay a Zone Meet iti kallabes iti 26 a pageskuelaan a nakabuklan dagiti sumaganad: Zone 1- dagiti pageskuelaan ti Pug-os, Reppa-ac, Nagsantaan, Salapasap, Bungro, Margaay ken ti Cabugao North CS; Zone 2- dagiti pageskuelaan ti Turod, Namruangan, Daclapan, Salomague, Dardarat ken Sabang; Zone 3- Cabugao South CS, Sagayaden, Pila, Nagsincaoan ken Lipit; Zone 4 – dagiti pageskuelaan ti Maradodon, Catucdaan, Sisim, Cael-layan, Cuantacla, Aragan, Arnap ken Carusipan.
Iti rugi ti paay-ayam, Oktubre 13, naangay ti Parada iti aglikmut ti Poblasion a nagpartisiparan dagiti Atleta, Officiating Officials, Coaches, Federated PTA, LGU, Barangay Officials ken Guests.
Nagtungpal ti Parada iti sango ti napapintas nga Stage ti likud ti Cabugao South Central School ket ditoy a nairugi ti Programa ken Coronation Rites.
Pakauna a sarita ti inted ni Mrs. Melvi S. Sajonia, Principal II, CSCS, ket impeksana ti nalaus a panagyamanda ta ditoy a pageskuelaan ti nakaipasdekan ti Cabugao Athletic Ground a pakaangayan ti District Meet ita a Tawen 2014. Pinagyamanan ti Principal ti Gobierno Munisipal nga idauluan ni Mayor Edgardo “Ediboy” S. Cobangbang, Jr., da Vice Gov. DV Savellano ken ni Governor Ryan Luis V. Singson iti panangilungalongda a maikkan ti ili a Cabugao iti napintas a pasilidad ti pagay-ayaman dagiti agsasalip nga ubbing iti pagadalan.
Kalpasan dagiti naipabuya nga intermisision number, nangipaay ti Mensahe ni SBM Dr. Jemaima S. Tan-Yee, Committee Chair on Education ket dinayawna ti napintas a panangkomplementar ti pageskuelaan kadagiti ilungalong ti LGU-Cabugao a pagsayaatan ti sports. Innayonna ti agtultuloy a panangiraman ti Gobierno Munisipal nga idauluan ni Mayor Ediboy kadagiti maaramid a pagsayaatan ti sector ti edukasion ken sports.
Nangipaay ti Inspirational Message ni Mayor Edgardo “Ediboy” S. Cobangbang, Jr. ket kimmablaaw ken nagyaman iti panangapresiar dagiti umili kadaytoy a naaramid a kabarbaro a pasilidad ti sports ti ili a Cabugao a naipasdek iti pageskuelaan ti Cabugao South Central School. Innayon ni Mayor Ediboy nga aniaman a pagimbagan a gubuayen daytoy a pagsayaatan ti eskuela ken kadagiti ub-ubbing ket katulongan latta a manghulma iti panagtan-ay dagiti ubbing nga agbalin a naresponsable nga umili.
Pinadayawan pay ti Ama ti Ili ti Federated PTA Officials ken dagiti School Heads iti pannakikaysada a nangisagana kadaytoy a pasilidad ti pagay-ayaman tapno mausar kadaytoy a District Competition. Impeksa ni Mayor Ediboy ti panagyamanna ken iti sangkailian iti pannakibinnadang da Vice Gov. DV Savellano ken ni Governor Ryan Luis V. Singson iti pannakaipasdek daytoy nga Athletic Ground. Ingunamgunam pay ti Alkalde Munisipal pay a maaywanan koma ken mamantener daytoy a pasilidad tapno agtultuloy a napintas ti usarna para kadagiti agad-adal.
Simmaganad ti pannakaaramid ti Investiture ti Mr. & Miss Sportfest 2014. Kinoronaan da Mayor Edgardo “Ediboy” S. Cobangbang, Jr. ken ni SBM Dr. Jemaima S. Tan-Yee da Mr. Sportfest 2014 Mark Vincent Gorospe ti Cabugao North Central School ken ni Miss Sportfest 2014 Cristele Joy Fior Addatu ti Daclapan Elementary School.
Sash, Cape, Coronets, Scepter, Lei, Boquet ken Trophies met ti insaad dagiti kameng ti Konseho Munisipal nga idauluan ni Vice Mayor Deogracias Jose Victor H. Savellano agraman dagiti nagannak iti innem a Runner-ups ken School Heads ti nadumaduma a pagadalan.
Iti Part III ti programa, nagmensahe da Brgy. Captain Valentin S. Tuyor, Jr. ken ni SBM Atty. Bryann Jett S. Pano, Committee Chair on Sports. Naaramid ti Lighting of the Symbolic Torch babaen kadagiti Cabugao Soccer Players, RIAA 2013; indauluan ni Elijah Sivila, Zone 1 Athlete Leader ti Athlete’s Oath. Kalpasan ti Raising of the District Athletic Flag babaen kadagiti Zone President & Partner, naaramid ti Declaration of the Formal Opening of the 2014 District Sports Competition babaen ken ni Mr. Ronel M. Ubaldo, District PESS Coordinator. # (Web In-Action)
No comments:
Post a Comment