Cabugao, Ilocos Sur – Iti pannaki-amad ti Web In-Action idi Oktubre 1, 2014, imbatad ni Mr. Edgar S. Balangatan, AT, Municipal Clean and Green Program Coordinator iti agtultuloy latta ti panang-landscape-da (panangpapintasda) kadagiti pampubliko a disso ken sango ti pasdek ken pasilidad ti LGU-Cabugao a pakairamaman iti maar-aramid a Cabugao Sports Center idiay Cabugao South Central School, Brgy. Bonifacio. Cabugao, Ilocos Sur ken agtultuloy iti pannakadalusda babaen iti programa ti Clean and Green ti Munisipio.
Iti Poblasion, naiwayat ti panagdalus dagiti Opisiales ti Barangay iti Barangay Rizal iti parte a masakupanda iti daya ti Osmena Bridge ken kasta met dagiti dadduma pay a barangay ti ili.
Kabayatanna, maar-aramid latta ti regular a panaglinis iti agsumbangir ti Kalsada Nasional manipud Barangay Sagayaden agingga iti Barangay Pug-os babaen iti kombinasion a panagtinnulong dagiti LGU Personnel ti Clean and Green ken Maintenance Section ti DPWH-Bantay, Ilocos Sur.
Dagitoy nga aksion ken inisiatiba ket maigapu iti sustenable a programa ti Clean and Green ken Environmental Management ti LGU-Cabugao tapno mamantener ti kinadalus ken kinapintas a mabuybuya iti aglawlaw ti ili ken Poblasion. # (Web Situational Report)
No comments:
Post a Comment