Cabugao, Ilocos Sur – Nasapa ken sigagagar a nagturong dagiti mannalon a tinarabay dagiti Farmer Leaders ken Barangay Officials iti 33 a barangay ti ili a Cabugao, Ilocos Sur iti Cabugao Cultural and Sports Complex, Brgy. Rizal, Cabugao, Ilocos Sur tapno awatenda iti mabatayanda iti maiwaras a Ryan Corn (LVN 10) Seeds nga ited ti Provincial Government babaen iti panangidaulo ni Governor Ryan Luis V. Singson.
Naaramid ti ababa a programa, turnover ken distribution ti nasao a pamin-ian a mais kadagiti mannalon iti Sports Complex iti imatang dagiti Municipal Officials nga idauluan da Mayor Edgardo “Ediboy” S. Cobangbang, Jr. ken ni Vice Mayor Deogracias Jose Victorino H. Savellano kasta met dagiti Opisiales/pannakabagi ti Kapitolio Probinsial nga idauluan ni Vice Governor Deogracias Victor B. Savellano, dagiti pannakabagi ti Office of the Provincial Agriculture; DA-LGU Cabugao ken dagiti Opisiales/Kameng dagiti Asosasion ti mannalon ti Cabugao.
Nangipaay ti Mensahe ni Mayor Ediboy. Kimmablaaw ken nagyaman nangruna iti Gobierno Probinsial nga idauluan da Gov. Ryan Luis V. Singson ken ni Vice Gov. DV Savellano. Impeksa ni Mayor Ediboy iti kinagasat dagiti umili ti Cabugao a maikkan iti kastoy a proyekto ket imbagana a maiwaras a pakasagrapan ti pagsayaatan iti sapasap a mannalon ken sangsangkamaysa koma dagiti mannalon a mangbigbig kadaytoy a nagun-od a pagimbaganda ket mangnamnama ti Alkalde Munisipal nga agballigi manen daytoy a programa dagiti mannalon ti ili.
Nangipaay met ti Mensahe ni Vice Governor DV Savellano. Kimmablaaw ken nagyaman iti kaadu ti nagatendar a mannalon a tinarabay dagiti Opisiales ti Barangay ken ti Munisipal nga idauluan ni Mayor Ediboy. Innayon ni Vice Gov. DV a maysa laeng a paset ti adu a programa ti Gobierno Probinsial ti Agrikultura iti Ryan Corn ket imbagana a paaduen dagiti mannalon daytoy a naited kadakuada ta agtultuloy latta nga isagsagut ni Governor Ryan ti pagsayaatan dagiti mannalon iti ili ti Cabugao.
Nangited ti pagyaman a sarita ni SBM Benedicto M. Savellano kada Gov. Ryan ken ni Vice Gov. DV ta saan a maudi ti ili a Cabugao a maikkan iti proyekto ket babaen iti panangtarabay ti sibubukel a Gobierno Lokal nga idauluan ni Mayor Ediboy ket maragpat ti panagballigi daytoy a nairusat a programa ti Ryan Corn iti Cabugao.
Nakikaysa dagiti kameng ti Konseho Munisipal kadaytoy a turnover nga isuda SBM Danny Q. Gazmen, SBM Benedicto M. Savellano; SBM Dr. Jemaima S. Tan-Yee; SBM Josefina S. Vallejo ken ni ABC President, Brgy. Captain Thaddeus “Teddy” U. Soller.
Nagatendar met da Provincial Corn Coordinator Oscar Tobia; Engr. Jojo Acance ti OPAG; Personnel ti DA-LGU Cabugao nga idauluan ni Municipal Agriculturist Zenaida S. Andrada.
No comments:
Post a Comment