Cabugao, Ilocos Sur –Narugian iti Setiembre 18 ti umuna nga aldaw iti week-long celebration ti “Girl Scout Day & Week” ti pageskuelaan ti Cabugao South Central School nga idauluan ni Mrs. Melvi S. Sajonia, Principal II, iti pannakaiyanak ni Josefa Llanes Escoda, Pundador ti Girl Scouts of the Philippines (GSP).
Naaramid ti ababa a programa iti sanguanan ti Monumento ni Escoda iti nasao a pagadalan a nagidatonan dagiti Girl Scout (Twinklers, Stars, Juniors) iti sabsabong ken panangipamatmat dagiti ladawanna a kas tanda iti pananglagip/panangrespeto kadaytoy nga Ilokana a Pundador ti GSP.
Indauluan met ni Mrs. Sajonia dagiti GSP Members ken GSP Troop Leaders a nangimatang iti nasao a seremonia iti nasao a panagselebrar. Kalpasan ti nasao a programa, naangay ti aktibidades dagiti Girl Scout kas iti Cook-out and other GS Activities a pakaisuruan pay kadagiti miembros iti umisu a panagdaldalus, panagipauneg ti taraon ken panangisagana iti kasapulanda ken iti pagtaenganda.
Segun ken ni Mrs. Sajonia, Setiembre 20 ti petsa a nayanak ni Josefa Llanes Escoda ket selebraranda a nasapsapa daytoy a kas aramiden met dagiti dadduma a pageskuelaan ti DepEd District ken maaramidto ti District Celebration iti sumaganad nga aldaw a pagtitiponan dagiti GSP Members iti amin a pageskuelaan ti ili a Cabugao.
Kabayatanna, nagselebrar met dagiti Girl Scouts ken Troop Leaders ti Cabugao North Central School nga idauluan ni Mrs. Estrellita M. Siruno, Principal II ket kaduana dagiti padana a mangisursuro a nangtarabay kadagiti GS Activities iti uneg ti pagadalan iti dayta a petsa. Nakiraman met a nakipagselebrar dagiti kameng ti Boy Scouts nga imatonan ni Mr. Nemesio Soller, mangisursuro iti nasao a pageskuelaan.
Naipunganay daytoy a panagselebrar babaen iti bileg ti Presidential Proclamation 1214 ken adda ti National Headquarters ti GSP iti Padre Faura, Manila, segun pay iti Principal.
Kabayatanna, ni Mrs. Melvi S. Sajonia ket agdama pay a Northern Luzon Diploma Trainer idinto ta ni SBM Dr. Jemaima S. Tan -Yee ti agdama a GSP District Committee Chairperson. # (Web In-Action)
Naaramid ti ababa a programa iti sanguanan ti Monumento ni Escoda iti nasao a pagadalan a nagidatonan dagiti Girl Scout (Twinklers, Stars, Juniors) iti sabsabong ken panangipamatmat dagiti ladawanna a kas tanda iti pananglagip/panangrespeto kadaytoy nga Ilokana a Pundador ti GSP.
Indauluan met ni Mrs. Sajonia dagiti GSP Members ken GSP Troop Leaders a nangimatang iti nasao a seremonia iti nasao a panagselebrar. Kalpasan ti nasao a programa, naangay ti aktibidades dagiti Girl Scout kas iti Cook-out and other GS Activities a pakaisuruan pay kadagiti miembros iti umisu a panagdaldalus, panagipauneg ti taraon ken panangisagana iti kasapulanda ken iti pagtaenganda.
Segun ken ni Mrs. Sajonia, Setiembre 20 ti petsa a nayanak ni Josefa Llanes Escoda ket selebraranda a nasapsapa daytoy a kas aramiden met dagiti dadduma a pageskuelaan ti DepEd District ken maaramidto ti District Celebration iti sumaganad nga aldaw a pagtitiponan dagiti GSP Members iti amin a pageskuelaan ti ili a Cabugao.
Kabayatanna, nagselebrar met dagiti Girl Scouts ken Troop Leaders ti Cabugao North Central School nga idauluan ni Mrs. Estrellita M. Siruno, Principal II ket kaduana dagiti padana a mangisursuro a nangtarabay kadagiti GS Activities iti uneg ti pagadalan iti dayta a petsa. Nakiraman met a nakipagselebrar dagiti kameng ti Boy Scouts nga imatonan ni Mr. Nemesio Soller, mangisursuro iti nasao a pageskuelaan.
Naipunganay daytoy a panagselebrar babaen iti bileg ti Presidential Proclamation 1214 ken adda ti National Headquarters ti GSP iti Padre Faura, Manila, segun pay iti Principal.
Kabayatanna, ni Mrs. Melvi S. Sajonia ket agdama pay a Northern Luzon Diploma Trainer idinto ta ni SBM Dr. Jemaima S. Tan -Yee ti agdama a GSP District Committee Chairperson. # (Web In-Action)
No comments:
Post a Comment