Thursday, September 24, 2015

NAISURO DAGITI MANNALON ITI UMISU A PANAGGRADO TI TABAKO

Cabugao, Ilocos Sur – Naangay ti One-day Seminar a panangusar iti umisu a pananggrado ken klasipikasion (Internally  Accepted Leaf Grading and Classification) iti pagango a Birhinia Tabako babaen iti Opisina  ti National Tobacco Administration (NTA)  iti Cabugao Cultural and Sports Complex, Brgy. Rizal, Cabugao, Ilocos Sur idi Setiembre 23, 2015. 

Daytoy a taripnong ket dinar-ayan dagiti Tobacco Farmers ti 33 a barangay ti ili a serserbisyuan ti National Tobacco Administration (NTA). 

Naangay ti Opening Prayer  babaen ken ni Mr. Lawrence R. Bueno,  Tobacco Production Regulations Officer  1 (TPRO 1), Cabugao Area Office ken naisaruno ti pannakakanta ti Philippine National Anthem babaen ken ni Mrs. Delia R. Giron, TPRO-NTA Cabugao. 

Nagatendar  ni Mayor Edgardo “Ediboy” S. Cobangbang, Jr. ket kinablaawanna  iti amin a nagatendar kadaytoy a seminar. Bininsa ti Ama ti Ili  iti pateg ti panangpasayaat ti produksion ti tabako ken iti dakkel a maitulongna kadagiti umili babaen  iti pundo ti RA 7171. 

Nagatendar ken naglektiur  da Mr. Faustino O. Taal, OIC, NTA Vigan Branch; Mr. Tomasito G. Taloza, Area Supervisor; Mr. Gilbert I. Yadao, Acting Supervisor, TPRO; ken timmulong da Mrs. Wilma Tisbe, TPRO ken  ni   Ms. Babylyn C. Agapinay, Clerk-NTA Vigan City. # (Web In-Action)

No comments:

Post a Comment