Cabugao, Ilocos Sur – Naaramid ti One-Day Rice Cracker Skills Training para kadagiti 50 a 4 P’s Beneficiaries kadagti Brgy. ti Maradodon, Nagsincaoan, Pila, Marga-ay, Nagsantaan, Lipit, ken Carusipan, Cabugao, Ilocos Sur iti Setiembre 11, 2015 iti Cabugao Cultural and Sports Complex, Brgy. Rizal, Cabugao, Ilocos Sur.Nakikaysa da MSWD Assistant Leonora G. Reintar ken dagiti MSWDO Staff nga isuda Miss Aida S. Cueto; Ms. Juliet Madriaga ken ni Ms. Jessie Ann O. Tabut iti panagrugi ti panagsanay.
Kalpasan a nailawlawag ni Ms. Ms. Fairie Anne P. Acebedo, Trainor, MMSU Laoag City iti panggep ken aramiden dagiti agsanay, naangay a dagus ti Hands-on wenno aktual a panagadal/panagsursuro iti inaramid dagiti nagsanay babaen iti papanda a mismo iti nakaiplastaran ti pagaramidanda iti rice cracker. Timmulong a nagidemonstrar kadagiti nagsanay iti aramidenda ket da Ms. Bella C. Gervacio, Director of Extension, MMSU Batac City ken ni Mr. Ralph Kevin S. Barolo, Trainor a kaduada a lalaki ken naggapuda iti MMSU-Laoag City, College of Industrial Technology. Nainayon a mangsanay ni Ms. Delia Carasi, Instructor iti UNP College of Extension, Vigan City.
Iti pannakiuman ti Web In-Action ken ni Mr. Dennis Aguimbag, SLP/Project Development Officer III ti DSWD, kinunana a kangrunaan a panggep ti programa a tulongan dagiti 4 P’s a mangidur-as iti kabaelanda iti matarusanda a pagkakitaan. Mangnamnama ti Opisial ti DSWD a mataginayon dagitoy a proyekto a maited babaen iti napintas a panagtinnulong ti Ahensia ti DTI, LGU ken kadagiti maseknan a nagsanay babaen itoy a proyekto.
Insupusop pay ni Mr. Aguimbag nga agtultuloy ti Sustainable Livelihood a programa ti DSWD ditoy nga ili. # (Web In-Action)
No comments:
Post a Comment