Cabugao, Ilocos Sur – Naibayog ti Setiembre 1-7 a pannakaselebrar ti 21th National Crime Prevention week babaen iti NAPOLCOM-NCPW Interagency technical Working Committee ti Philippine National Police (PNP) iti intero a pagilian iti pannakaselebrar ti “Crime Prevention Week”.
Segun iti Municipal Police Station-Cabugao nga idauluan ni Police Chief Inspector Ramil Aquino Llarenas a kankanayon a sisiputda a mangtiped kadagiti agar-aramid iti maikaniwas iti paglintegan ken iti agtultuloy a pannakamantener iti napintas a PNP Community Relations ita a bulan ti Setiembre 2015.
Innayon ti pannakabagi ti PNCO, PNP-Cabugao a dagiti sumaganad ti regular nga aramidenda:
1. Agtultuloy a pannakaawisda iti PNCO nga aglektiur maipapan iti anti-drugs, anti-juvenile acts, ken pannakailawlawag dagiti dadduma a linteg a makasakup iti individual rights ken law enforcement. Maaw-awisda nga aglektiur kadagiti pageskuelaan ti High School, Barangay ken kadagiti dadduma pay a paguummongan iti barangay.
2. Kasarsaritada dagiti minor offenders ken violators iti nain-diplomasiaan a wagas tapno maipasagepsep kadakuada iti disiplina ken kinatalna.
3. Ka-koordinarda dagiti Barangay Officials iti pakaseknan ti pagdurdur-asan ti iwayatda nga aktibidad ken programada.
4. Kasarsaritada dagiti Barangay Officials maipapan iti pannakamantener ti linak ken talna ken iti pakaseknan dagiti maipakatda a programada iti Kapolisan iti barangay. # (Web In-Action)
No comments:
Post a Comment