Cabugao, Ilocos Sur – Nagleppas ti Brigada Eskwela 2015 idi Mayo 23, 2015 babaen iti naruay a gapuanan dagiti nagannak ken mangisursuro a nagurnos, nagdalus iti uneg ken arubayan ti eskuela ken nangpasimpa kadagiti pagpaknian (Comfort Rooms) para iti Hygiene ken sanitasion, alad ti eskuela ken kanaigna a banag a natarimaan iti uneg ti pageskuelaan.
Kalpasan a naaramid ti Evaluation ken Assessment iti DepED Regional Entries, naipakaammo babaen iti Division Memorandum 102, Series 2015 manipud iti Schools Division of Ilocos Sur, Bantay, Ilocos Sur a mangibatbatad a nagun-od ti Cabugao South Central School nga idauluan ni Mrs. Melvi S. Sajonia, Principal II iti maikadua a puesto iti Elementary Level, Central School Category (Large), Division Level.
Nupay kasta, naballigi met a nayimplimentar ti Brigada Eskwela 2015 kadagiti pagadalan iti 33 a barangay ti ili kas panagtungpal iti aktibidad para iti National Schools Maintenance Week, segun ken ni Municipal Brigada Eskwela Coordinator Donato P. Sajor.
Innayon ti Head Teacher a napateg a bigbigen ti sakripisio dagiti nagannak ken timmulong kadagita a pagadalan para iti interes dagiti ubbing nga agbasa. # (Web In-Action)
No comments:
Post a Comment