Cabugao, Ilocos Sur - Naangay ti panagsanay iti Water Search and Rescue (WASAR) dagiti baro a pannakabagi ti MDRRMC iti Munisipalidad ti Cabugao, Ilocos Sur idi Setiembrte 9-11, 2015 idiay Sta. Catalina, Ilocos Sur.
Segun ken ni Engr. Nestor B. Somera ti Municipal Disaster Risk Reduction Management Council (MDRRMC)-LGU Cabugao, a nakipaset dagiti nainayon a kameng ti WASAR (Water Search and Rescue) ditoy Cabugao nga inangay ti PDRRMC-Ilocos Sur nga idauluan ni PDRRMC Officer Michael Chan.
Segun ken ni Mr. Chan ket agdagupen ti nasurok a 200 ti bilang dagiti nasanay a kameng ti WASAR iti 1st ken 2nd District ti Probinsia a buklen dagiti empleado ti LGU’s, Polis, Professional ken dadduma pay a sektor a makabael nga agsakripisio ken agsanay ket nupay pagrebbengan daytoy a maituyang kadagiti LGU’s babaen iti Office of the Civil Defense (OCD) ti DND ket maapresiar met dagiti maseknan nga agsansanay iti ragsakda a makaadal ken makapagserbi kadagiti kailianda no tiempo ti kalamidad.
Innayon ni Mr. Chan a sistematiko ti gunay/mobilisasion ti panagresponde ti WASAR ken PDRRMC-MDRRMC no adda mapasamak a kalamidad, desgrasia wenno napapateg a paguummongan a maisayangkat a pakasapulan iti pannakatarabay dagiti tattao a maseknan kadagiti lugar/ili ditoy Probinsia ti Ilocos Sur kabayatan a maaramid ti aktibidadda.
Naiparang dagiti 18 a WASAR Graduates ti MDRRMC-Cabugao ket pinadayawan ida ti Pamilia-LGU Cabugao kalpasan ti Flag Ceremony idi Setiembre 14, 2015. # (Web In-Action)
No comments:
Post a Comment