Tuesday, September 15, 2015

4th BATCH RICE CRACKER TRAINEES, NAGGAPUDA ITI 11 A BRGYS.

Cabugao, Ilocos Sur – Maaramid ti One-Day Rice Cracker Skills Training  para kadagiti 42  a 4 P’s Beneficiaries (4rth Batch)  kadagiti Brgy. ti Maradodon, Catucdaan, Quezon, Turod Patac, Sisim, Turod, Cuancabal, Sagayaden, Carusipan, Reppa-ac ken Salapasap,  Cabugao, Ilocos Sur iti Setiembre 14, 2015 iti  Cabugao Cultural and Sports Complex, Brgy. Rizal,  Cabugao, Ilocos Sur.

Pakabuklan ti mayadal ket iti panagaramid iti Rice Muffins; Rice Cookies ken ti Rice Ribonnettes.

Immuna a nagsarita ni Mr. Dennis Aguimbag, SLP/Project Development Officer III ti DSWD, ket imbinsana  ti panggep ti programa. Inlawlawag met  ni  Ms. Ms. Fairie Anne P. Acebedo, Trainor,  MMSU Laoag City iti panggep ken aramiden dagiti agsanay sa   naangay a dagus ti Hands-on wenno aktual a panagadal/panagsursuro  iti inaramid dagiti nagsanay babaen iti papanda a mismo iti nakaiplastaran ti pagaramidanda iti rice cracker. 

Timmulong nga agidemonstrar da  Ms. Gloria T. Torres, College Extension Coordinator,  MMSU Batac City ken  ni Mr. Ralph Kevin S. Barolo, Trainor a kaduada a lalaki a naggapu iti MMSU-Laoag City, College of Industrial Technology. 

Innayon ni Mr. Aguimbag, ti  kangrunaan a panggep ti programa ket matulongan dagiti 4 P’s a mangidur-as iti kabaelanda iti matarusanda  a pagkakitaan. Mangnamnama ti Opisial ti DSWD a mataginayon dagitoy a proyekto a maited babaen iti napintas a panagtinnulong ti Ahensia ti DSWD ken ti LGU ken kadagiti pannakabagi dagiti maseknan nga institusion  a nagsanay itoy a  proyekto.

Insupusop pay ni Mr. Aguimbag nga agtultuloy ti Sustainable Livelihood a programa ti DSWD ditoy nga ili.  # (Web In-Action)

No comments:

Post a Comment