Cabugao, Ilocos Sur – Naaramid ti pannakainagorar ken pannakaisibro ti baro a pasdek ti Cecilia T. Flores Memorial Dental Clinic a naipasdek iti abay ti Cabugao Lying-in Center idi Agosto 17, 2015 a no sadino a ditoy ket dinar-ayan dagiti Opisiales ti ili, Pamilia-Flores, umili ti Cabugao ken ti Pamilia-LGU nga indauluan da Mayor Edgardo “Ediboy” S. Cobangbang, Jr. ken ni Vice Mayor DJ Savellano.
Iti kallabes, dua a Dentista ti umay agserserbisio ditoy RHU-Cabugao ket adda naituding nga eskediulda a panangranta dagiti maseknan nga agpakita iti dental a pakaseknan.
Maigapu iti kaadda ti Cecilia T. Flores Memorial Dental Clinic ket deretso a makalawas (Lunes agingga iti Biyernes) ti naituding nga eskediul dagiti agserbi a Dentista ken nanayonan ti maysa pay nga isu ni Dr. Sharinelle Alberta Sy Ridulme, DMD, (Martes ken Miyerkoles ti batangna) ket kaduana da Dr. Magno R. Sol, DMD (Lunes ken Biyernes) ken ni Dr. Ma. Anastacia de los Reyes, DMD (Huwebes).
Maibasar iti pakdaar a naipaskin iti Pasdek ti Dental Clinic, ti Dental Check-up laeng iti maaramid iti kada 1st ken 2nd Week ti Huwebes kada bulan idinto ta ti 2nd Week ken 4rth Week ti Huwebes iti kada bulan ket isu ti panaggabutda ti ngipen kadagiti maseknan a pasiente.
Dagitoy nga aksion ken inisiatiba ket gubuay ti napintas a koordinasion iti DOH, Provincial Health Office ken iti LGU Cabugao nga idauluan ni Mayor Edgardo “Ediboy” S. Cobangbang, Jr. tapno mamantener ti dental a kasasaad dagiti umili a maysa a kapatgan nga aspeto iti salun-at nga agtultuloy a matagiben. # (Web In-Action)
No comments:
Post a Comment