Wednesday, September 9, 2015

SEEDLINGS, MAIT-ITED KADAGITI PAGADALAN

Cabugao, Ilocos Sur –Ipapaayan ti LGU-Cabugao iti agduduma ti klasena a Seedlings  dagiti pageskuelaan iti Elementaria ken High Schools ti ili a Cabugao, Ilocos Sur a nangrugi idi Setiembre 3, 2015 ken agtultuloy agingga iti agdama. Daytoy ket kalikagum dagiti pageskuelaan a pakipasetda iti maisaysayangkat a Clean and Green\Environmental Management  Program ti Munisipio ken mangparangen kadagiti School Nursery  kadagiti pagadalan ti ili.


Segun ken ni MENRO Edgar S. Balangatan, AT, mapanda  ideliber dagiti nadakamat a Seedlings kadagiti nadakamat a nayeskediul  a pageskuelaan. Dagiti sumaganad ti Seedlings a maited: 1. Pomelo; 2. Langka; 3.  Butchina; 4. Mint Tree; 5. Mahogany ken  6. Guava.

Dagitoy a Seedlings ket maideposito iti School Nursery dagiti nasao a pagadalan  para iti pannakaasikasona kabayatan a maisagsaganada para iti pannakaimulada. 

Idi Setiembre 7, 2015, nawarasan ti Seedlings dagiti pageskuelaan iti Coastal Barangay a kas iti Brgy. Sabang, Dardarat, Salomague, Daclapan ken iti Namruangan.

Iti Setiembre 8, 2015, nayeskediul dagiti pageskuelaan ti Lipit Elementary School; Lipit National High School; Sagayaden Elementary School ken ti Pila Elementary School a nawarasan ti Seedlings.


Makikaykaysa iti nadakamat nga aktibidad  da Vice Mayor DJ Savellano; SBM Benedicto M. Savellano, Vice Chairman,   Committee on Education; SBM Atty. Bryan Jett S. Pano; SBM Josefina S. Vallejo; SBM Jayhan Alcid-Tan ken ni SBM Dr. Jemaima S. Tan-Yee, Committee Chairman on Education  kasta metten dagiti mangisursuro kadagiti nasao a pagadalan kabayatan a maited dagiti nadakamat a seedlings.  

Dagitoy nga aksion ken inisiatiba ket bunga iti agtultuloy a pannakikammayet ti LGU-Cabugao iti Ahensia ti DepED para iti pannakapaberde/pannakaparangen  ti aglawlaw. # (Web In-Action)

No comments:

Post a Comment