Cabugao, Ilocos Sur – Nagleppas ti One-Day Rice Cracker Skills Training, 3rd Batch para kadagiti 50 a 4 P’s Beneficiaries kadagti Brgy. ti Maradodon, Nagsincaoan, Pila, Marga-ay, Nagsantaan, Lipit, ken Carusipan, Cabugao, Ilocos Sur idi malem ti Setiembre 11, 2015 iti Cabugao Cultural and Sports Complex, Brgy. Rizal, Cabugao, Ilocos Sur.
Nakikaysa da Vice Mayor ken Acting Mayor DJ Savellano ken ni SBM Benedicto M. Savellano iti pannakaited dagiti material kit kadagiti nagsanay iti panagleppas ti adalda.
Pinalagipan ti Bise Mayor dagiti nagsanay nga ipategda daytoy a nasursuroda ket ikkanda ti panawenda a mangyusar tapno manayonan ti matgedanda a makatulong ti panaghbiagda ken maawisda met dagiti dadduma a mangsursuro kadaytoy a pagkakitaan.
Buklen dagiti nagiyadal da Ms. Gloria Torres; Ms. Fairie Anne P. Acebedo, agpada a Trainors, MMSU Laoag City; Ms. Bella C. Gervacio, Director of Extension, MMSU Batac City ken ni Mr. Ralph Kevin S. Barolo, Trainor a kaduada a lalaki manipud iti MMSU-Laoag City, College of Industrial Technology. Nainayon a nangsanay ni Ms. Delia Carasi, Instructor iti UNP College of Extension, Vigan City.
Iti pannakiuman ti Web In-Action ken ni Mr. Dennis Aguimbag, SLP/Project Development Officer III ti DSWD, kinunana a kangrunaan a panggep ti programa a tulongan dagiti 4 P’s a mangidur-as iti kabaelanda iti matarusanda a pagkakitaan. Mangnamnama ti Opisial ti DSWD a mataginayon dagitoy a proyekto a maited babaen iti napintas a panagtinnulong ti Ahensia ti DSWD, ken ti LGU ken dagiti pannakabagi dagiti maseknan a nagsanay nga institusion itoy a proyekto.
Insupusop pay ni Mr. Aguimbag nga agtultuloy ti Sustainable Livelihood a programa ti DSWD ditoy nga ili. # (Web In-Action)
No comments:
Post a Comment