Cabugao, Ilocos Sur –Impaayan ti LGU-Cabugao iti agduduma ti klasena a Seedlings iti Sisim National High School, Brgy. Sisim, Cabugao, Ilocos Sur idi Setiembre 3, 2015. Daytoy ket kalikagum ti nasao a pageskuelaan a pakipasetna iti maisaysayangkat a Clean and Green\Environmental Management Program ti Munisipio ken dagiti pagadalan ti ili.
Segun ken ni MENRO Edgar S. Balangatan, AT, napanda indeliber dagiti nadakamat a Seedlings iti nadakamat a pageskuelaan babaen iti serbisio ti lugan ti LGU. Dagiti sumaganad ti nagan dagiti Seedlings a naited ken kaadu:
1.Pomelo - 15 Pieces; Neem Tree – 50; Butchina – 25; Fire Tree – 2; Mahogany – 20; Guava – 5; Atis – 5; Karamay 2.
Dagitoy a Seedlings ket naideposito iti School Nursery iti nasao a pagadalan para iti pannakaasikasona kabayatan a saan pay a naimula.
Nakikaysa da SBM Benedicto M. Savellano, Vice Chairman, Committee on Education ken ni SBM Atty. Bryan Jett S. Pano, Committee Chairman on Health ti Sangguniang Bayan kasta metten dagiti mangisursuro iti nasao a pagadalan kabayatan a maited dagiti nadakamat a seedlings.
Dagitoy nga aksion ken inisiatiba ket bunga ti agtultuloy a pannakikammayet ti LGU-Cabugao iti Ahensia ti DepED para iti pannakapaberde ti aglawlaw. # (Web In-Action)
No comments:
Post a Comment