DISTRICT PROGRAM TI ARALING PANLIPUNAN/HEKASI, NAANGAY

Cabugao, Ilocos Sur – Naangay ti Araling Panlipunan/HEKASI Program ti Cabugao DepEd District idi Setiembre 22, 2015 iti Social Hall, Cabugao South Central School, Brgy. Bonifacio, Cabugao, Ilocos Sur.

Immuna a paset ti programa ti pannakakanta ti  Pambansang Awit; sa naisaruno ti Panalangin;  ken Bating Pagtanggap ni Gng. Melvi S. Sajonia, Principal II, CSCS ken ti Mensahe ni Dr. Concesa T. Rumias, Tagamasid Pampurok.

Kalpasan ti Intermission Number, nangipaay ti Mensahe ni SBM Dr. Jemaima S. Tan-Yee, Chairman, Committee on Education.

Kimmablaaw ken nagyaman ti Konsehal  ta adda iti kastoy a programa a mangtulong kadagiti ubbing a mangammo iti kaipapanan ti Heograpiya Kasaysayan  Sibika  (HEKASI) a daytoy ket asignatura a mangilawlawag no kasano a timmaud ti maysa a pagilian ken no ania dagiti mapaspasamak ita. Innayonna a kasapulan koma a mataginayon ken mapreserba dagiti tagipatgen a galad ken tradisiontayo ta dagitoy iti tumulong a mangasa ken mangidur-as ti kinataotayo a kas Pilipino.

Insupusopna pay iti agtultuloy a pannakibadang ti Gobierno Lokal iti pannakaidur-as iti aspeto ti Edukasion  iti liderato ni Mayor Edgardo “Ediboy” S. Cobangbang, Jr.  Pinadayawan ti Konsehal dagiti agad-adal ken mangisursuro iti maipabuya iti programa ken dadduma pay a naitaripnong iti daytoy a programa.

Kalpasan dagiti Intermission Number, naiyam-ammo dagiti ag-Hurado iti Pakontes a maaramid ken mangkulminar iti programa babaen ken ni G. Carlos C. Vargas, T1, Nagsantaan Primary School; Paglalahad ng Krayterya ng Patimpalak ni Gng. Anita Solatre, T3, CNCS ken ti  Oryentasyon ni G. Rudolf  Anthony Talusig, District AP/HEKASI Coordinator.

Maikadua  a paset ti programa ti aggiddan a pannakaaramid ti pakontes: Solong Pag-awit – Makabayang Awitin (Grade III-IV) ken ti  Kamalaysayan (Grade V-VI).

Iti maikatlo a paset ti programa ket iti Closing Program a nakaipakaammuan dagiti nangabak ken pannakapadayawda. 

Dagiti nangabak iti biang ti  Cabugao South Central School:

FINNELA DAPHNE JULARBAL-FIRST PLACE, QUIZ 

Coach- Richelle Sonido 

Mother- Josie Jularbal 

NICOLE DEL ROSARIO -2ND PLACE, Paligsahan sa Pag awit 

Coach- Editha Savellano 

Parents- Mr. & Mrs. Roderick Del Rosario

Nakikaysa met da SBM Vicky S. Serna; SBM Jayhan Alcid-Tan ken ni SBM Josefina S. Vallejo iti nadakamat a programa. 

Nagpaay a Hurado da Mr. Romeo Solar; Mr. Chito Agbulos ken ni Mr. Arnel Sinampaga iti Solong Pag-awit ken ni Ms. Maricel Galamgam iti Kamalaysayan. # (Web In-Action)