Tuesday, September 29, 2015

LATTER-DAY SAINT CHARITIES, AGITED TI WHEELCHAIR KADAGITI MAKASAPUL

Cabugao, Ilocos Sur – Maikkan dagiti nataengan iti libre a wheelchair nga ipaay ti Latter-Day Saint Charities (Mormon) babaen iti panangmobilisar dagiti pannakabagi ti University of Northern Philippines (UNP), Vigan City nga idauluan ni Dr. Marciana De Vera,  Director of Extension  kadagiti maseknan a kameng ti People with Disabilities (PWD’s) nga umili ti Cabugao, Ilocos Sur babaen iti pannakikammayetda iti Opisina ti MSWDO nga idauluan ni MSWD Officer Mrs. Lydia S. Gazmen ken iti Opisina  ni Mayor Edgardo “Ediboy” S. Cobangbang, Jr. 


Naangay ti Turnover ti naited a Wheelchair ken ni Mr. Alfredo Ferrera, agtawen ti 68, iti Barangay Salomague, Cabugao, Ilocos Sur agsipud ta naisubmitiren ti rukodna ket maideliber ti wheelchair-na  ita a Setiembre 29, 2015 a yaay dagiti nadakamat a pannakabagi ti UNP.

Nagkortesia da Mr. Ferrera ken dagiti kabagianna iti Opisina ni Mayor Ediboy ket impeksana ti naan-anay a panagyamanna iti panangilungalong ti Munisipio iti maseknan nga institusion iti  pannakaited ti wheelchair-na a mangtulong iti panaggunay-gunayna.


Dagiti narukod a maseknan a maikkan ti wheelchair-na ket isuda Mr. Reynaldo Segui, 61, Barangay Baclig; Ms. Crescencia Barcena, 70, Brgy. Aragan; Ms. Felicidad Baclig, 83, Brgy. Catucdaan ken maysa pay a di nainaganan.

Imbatad ni Dr. De Vera a napateg daytoy a sagut a programa a para kadagiti addaan ti an-annayen gapu ta libre a maited ket ti laeng panangipaay ti pamiliada  iti 40 oras a Community Service iti barangay ti katukad a pagrebbengan  ti maseknan babaen iti panangtarabay dagiti Opisiales ti Barangay iti agobra a kabagian ti pasiente.

Innayonna a managan ti Mechanical Device and  Humanitarian Project daytoy a trabahoda ket saan laeng nga iti Ilocos Sur ti pagserbisyuanda ta mabalin pay iti malas-udan ti Rehion Uno a lugar a turongenda  no adda agkalikagum a pasiente ti tulongda. Mangtedda iti libre nga scrutches; cane, walker ken wheelchair.

Imbatad met ni Mrs. Gazmen a babaen iti agtultuloy a suporta ti LGU-Cabugao nga idauluan ni Mayor Edgardo “Ediboy” S. Cobangbang, Jr.  ket agtultuloy met ti itden ti Unibersidad a pannakikammayet kadagiti proyekto a serbisio-sosial kadagiti umili ti Cabugao, Ilocos Sur. # (Web In-Action)

No comments:

Post a Comment