Wednesday, September 30, 2015

ZONE 1 & 2 2015 SPORTS COMPETITION, NAANGAY

Cabugao, Ilocos Sur – Naangay ti Zone 1 and II Sports Competition Meet 2015 ti Cabugao DepED District iti Cabugao Athletic Oval (Freedom Park), Cabugao South Central School, Brgy. Bonifacio, Cabugao, Ilocos Sur idi Setiembre 29, 2015.


Immuna a naaramid  ti Parada dagiti Delegado iti aglikmut ti Oval.

Dagiti pageskuelaan a nagpartisipar ket dagiti sumaganad:  Zone 1- dagiti pageskuelaan ti Pug-os, Reppa-ac, Nagsantaan, Salapasap, Bungro, Margaay ken ti Cabugao North CS;  Zone 2- dagiti pageskuelaan ti Turod, Namruangan, Daclapan, Salomague, Dardarat ken Sabang. 

Sakbayna, naaramid ti ababa a programa sa nairugi ti dinnayo. 

Kalpasan ti Opening Prayer, Pambansang Awit ken ti Cabugao Hymn, nag-Welcome Remarks da  Mr. Fidel Sinampaga, Zone 1 President ken Mr. Edison Solatre, Zone 2 President. Naisaganad ti Lighting of the Symbolic Torch babaen ken ni Christopher Samuel Sivila, RIAA 2014, 1st Place Winner, Taekwondo, Individual Category.

Naipresentar dagiti Delegado iti babaen kadagiti School Sports Coordinator iti Zone 1 ken Zone 2.

Nangipaay ti Mensahe ni Mr. Meneleo B. Palma, CSEE, EPS-1 MAPEH ken Orientation ni Mr. Ronel M.  Ubaldo, District MAPEH Coordinator.

Naibasa ti Athletic Oath babaen ken ni Javie Ancheta, Zone II Athlete.


Nangipaay ti Inspirational Message ni Mayor Edgardo “Ediboy” S. Cobangbang, Jr. ket kimmablaaw ken nagyaman iti panangapresiar dagiti umili kadaytoy a naaramid a kabarbaro a pasilidad ti sports ti ili a Cabugao a naipasdek iti pageskuelaan ti Cabugao South Central School. Innayon ni Mayor Ediboy nga aniaman a pagimbagan a gubuayen daytoy a pagsayaatan ti eskuela ken kadagiti ub-ubbing ket katulongan latta a manghulma iti panagtan-ay dagiti ubbing nga agbalin a naresponsable nga umili.

Naisaruno ti Declaration of the Formal Opening of the 2015 Zone 1 & 2 Sports Competition babaen ken ni Dr. Concesa T. Rumias, Ed., D., Public Schools District Coordinator.

Maikatlo a paset ti aktibidad ket iti Competition Proper ken maikapat ket isu ti naaramid a Post Conference dagiti  Sports Officials/Coordinators. 

Nagpaay nga Emcee da Ms. Marilyn S. Raciles; Ms. Mercy Fagaragan; Ms. Evangeline Garcia ken ni Mr. Carlos Vargas.  # (Web In-Action)

No comments:

Post a Comment