Thursday, September 10, 2015

BLESSING KEN PANNAKAITED TI PATROL BOAT, NAARAMID

Cabugao, Ilocos Sur – Nakagasgasat dagiti umili ti Cabugao, Ilocos Sur iti aldaw ti  Setiembre 9, 2015 ta naited ken  nabendisionan  ti Patrol Boat a naited iti ili a Cabugao, Ilocos Sur. Naaramid ti Seremonia iti Barangay Hall, Brgy. Salomague, Cabugao, Ilocos Sur   a tinalantanan dagiti opisiales ti Gobierno Probinsial nga idauluan da Gov. Ryan Luis V. Singson ken ni Vice Gov. DV Savellano; kasta metten  dagiti Opisiales ti  LGU-Cabugao nga idauluan ni Vice Mayor ken Acting Mayor DJ Savellano.


Kalpasan ti panglukat a Kararag ni Rev. Fr. Felix Costales, Kura Paroko ti Iglesia Romano Katolika, nabendisionan ti nadakamat a ramit-pangbaybay nga inted ti Bureau Of Fisheries and Aquatic Resources (BFAR) babaen iti panangilungalong ti Gobierno Probinsial nga idauluan ni Gov. Ryan Luis V. Singson ken iti LGU Cabugao nga idauluan ni Mayor Edgardo “Ediboy” S. Cobangbang, Jr.

Kimmablaaw ken nagyaman ni Gov. Ryan iti maited a pagsayaatan dagiti umili ti Cabugao. Dinakamat ni Gov. Ryan ti pateg iti agtultuloy a pannakaaywan/pannakasaluad ti kabaybayan a pamataudan ti pagb iagan dagiti umili nga agnanaed iti igid ti baybay ken iti pannakaprotehir dagiti rekursos-naturales nga adda ditoy babaen iti panagtintinnulong dagiti Ahensia iti panangyuna ti BFAR ken LGU-Cabugao. Impanamnama  ti Gobernador  a babaen iti agtultuloy a  panagtinnulong ti Gobierno Probinsial ken LGU Cabugao kasta metten iti Ahensia ti BFAR ken dagiti agnanaed iti Coastal Barangay ken NGO’s  ket matun-oyan iti agnanayon a pannakasaluad ti kabaybayan ditoy nga ili.


Nakikaysa iti nasao a Blessing ken pannakaiyallawat ti Patrol Boat da   Congressman Ronald V. Singson; Vice Gov. DV Savellano; BFAR Regional Director Nestor Domenden; Fishery Officer Belmor Bugaoan;  SP Member Jeremias C.  Singson; SPM Constante Oandasan; SPM Baterina; ken ni SPM Edgar Yabes ken Kameng ti Philippine Coast Guard.

Nagatendar met dagiti Opisiales ti ili nga isuda Vice Mayor DJ Savellano; SBM Danny Q. Gazmen;  SBM Dr. Jemaima S. Tan-Yee; SBM Benedicto M. Savellano;  SBM Vicky S. Serna; SBM Atty. Bryan Jett S. Pano; SBM Josefina S. Vallejo; SBM Jayhan Alcid-Tan.


Nakikaysa met dagiti Opisiales ti barangay nga idauluan  ni ABC President Thaddeus U. Soller; Salomague Brgy. Captain Eliseo R. Serrano ken ni Dardarat Acting Brgy. Captain Norlie Silvania agraman dagiti umili a dimmar-ay iti nasao a seremonia.

Kamaudiananna, pinagyamanan met dagiti Opisiales ti Ili  ti Cabugao ken dadaulo ken agindeg kadagiti Coastal Barangays iti pannakaited daytoy a ramit a mausar a  katulonganda a mangtiped  iti illegal a panagkalap; agtultuloy a  pannakamonitor  ken pannakamantener iti kabaybayan ti ili.  # (Web In-Action)

No comments:

Post a Comment