Tuesday, September 22, 2015

MADAMA TI EVALUATION/ASSESSMENT TI KASASAAD DAGITI 4 P’ MEMBERS

Cabugao, Ilocos Sur –Agtultuloy  ti pannakaaramid ti  Family Development Session (FDS) ken Evaluation/Assessment  iti nagdur-asan ti programa kadagiti Pantawid Pamilyang Pilipino Program (4 P’s) Beneficiaries  kadagiti 33 a Barangay ti ili a Cabugao, Ilocos Sur iti Tawen 2015 partikular ita a bulan ti Setiembre.

Daytoy ket isaysayangkat ti Municipal Operations Office ti 4 P’s-MSWDO Cabugao a buklen da Ms. Jessie Ann O. Tabut;  Ms. Juliet Madriaga ken ni Ms. Rosemarie C. Pespes ken babaen iti panangtarabay ni MSWD Officer Mrs. Lydia S. Gazmen.

Umabot ti dua agingga iti tallo a Barangay ti maileppasda a pagrekuridaan iti tunggal aldaw. Kinuna ni Miss Aida S.  Cueto, Municipal Focal Person ti 4 P’s a maang-angay pay iti re-validation iti ikub ti tunggal  pamilia para iti mainayon a mabenepisiaran ti 4 P’s.

Daytoy a pro-poor program ti LGU-Cabugao ken ti DSWD ket agtultuloy a maipatungpal kadagiti kualipikado a Benepisiario iti 33 a Barangay ti ili a Cabugao, Ilocos Sur. # (Web In-Action)

No comments:

Post a Comment