Cabugao, Ilocos Sur – Naangay ti Regular Monthly Meeting ti opisiales ti Federated Farmers’ Association iti panangidaulo ni Mr. Elmer G. Bromeo sadiay Barangay Dardarat, Cabugao, Ilocos Sur idi Marso 6, 2012.
Timmarabay dagiti pannakabagi ti DA-LGU iti panangidaulo ni Municipal Agriculturist Zenaida S. Andrada iti nasao a miting.
Nagpaay a Presiding Officer ni Presidente Bromeo ket dagiti sumaganad ti napagsasaritaan/napagnanamingan:
. Pannakabayad ti amin a nautang a “soft loan” manipud iti LGU-Cabugao agingga iti Abril 30, 2012 tapno maipasublat met kadagiti dadduma nga asosasion.
. Pannakipaset ti amin nga asosasion ti mannalon iti Farmers’ and Fishermen’s Day iti Abril 21, 2012.
Iti dayta nga aldaw, Abril 21, 2012, maaramid ti parada dagiti mannalon ken mangngalap a pakaipakitaan ti produkto ti tunggal barangay ket adda maaramid a salip ti float nupay by cluster ti booth. Maaramid pay ti Trade Fair a pagsasalipan dagiti “PINAKA-“ a produkto ti agrikultura ken maaramid pay ti indigeneous games.
Iti malem ti Abril 21, 2012, maangay ti Farmers and Fishermen Forum, Quiz Bee, Acrobatic Show ken maaramid ti Talent Show/Competition iti karabiyanna. Pakontes ti Tapat & Daniw kasta met a pannakaiwaras ti Farming Implements.
. Pannakaplano ti pakaisaadan ti Demo Farm ti Organic Farming a programa ti DA iti barangay.
. Pannakaplano ti pagalaan ti pa-premio iti maisayangkat a Raffle Draw inton rabii ti Abril 21, 2012 a naisibar kadagiti mannalon.
. Ken dadduma pay a pakaseknan a naikkan ti aksion ken solusion.
Nalpas ti miting iti 12:30 ti agmatuon. # (Web In-Action)
No comments:
Post a Comment