Cabugao, Ilocos Sur - Naangay ti Graduation Rites and Closing Exercises ti UCCP (United Churches of Christ in the Philippines) iti Cabugao Cultural and Sports Complex, Brgy. Rizal, Cabugao, Ilocos Sur idi Marso 28, 2012 a no sadino a ditoy ket nagatendar dagiti ubbing nga agad-adal (Nursery ken Kindergarten), nagannak/agay-aywan, mannursuro, bisita, Konseho ti Simbaan (UCCP) ken lumugar ti Barangay Quezon, Cabugao, Ilocos Sur.
Kalpasan ti Processional March, nangted ti Invocation ni Rev. Fr. Jury Blanco, IFI Parish Priest. Words of Welcome ni Mrs. Vangie S. Santella, PTCA President ken pannakaipresenta dagiti ubbing nga agturpos ti inakem ni Mrs. Bernadette V. Sunio, Kindergarten Adviser.
Inannong ni Rev. Felito C. Blancaflor, Administrative Pastor ti pannakakompirma dagiti nagturpos.
Inyam-ammo met ni Mrs. Elizabeth R. Navarro, Nursery Adviser ti Guest of Honor and Speaker.
Nagpaay a Guest of Honor and Speaker ni Mr. Rene Z. Seguritan, Jr., R.N. a nangibuksil ti kaipapanan ti Tema: “Your Gift of Learning, Our Tool for Nation Building.”
Impaay ni Mayor Edgardo “Ediboy” S. Cobangbang, Jr. ti Graduation Message-na ket impeksana ti nabara a kablaawna kadagiti ubbing a nagturpos, nagannak, mannursuro, bisita, opisiales ti barangay ken manarawidwid iti pageskuelaan TI UCCP.
Innayon ti Alkalde nga iti agtultuloy a pannakaited ti silaw ti adal iti naganus nga isip dagiti ubbing ket agbalindanto a naresponsable ken makipagbangon iti napintas a masanguanan ti ili a Cabugao. Kenkuana, dagiti ubbing ti maikkan ti napintas a pagtuladan tapno daytoyto met ti tagipatgen a galad nga idanonda iti sumaruno a henerasion.
Iti nasao nga okasion, nakitaripnong met ni SB Member Josefina S. Vallejo.
Ni ubing a Lhianne Angeline G. Calayeg ti First Honbors ti Nursery 1st Batch ken Lindsay Regina D. Garcia iti Nursery 2nd Batch idinto ta da met Nadine Pearl U. Mata, First Honors ti Kindergarten Batch 1 ken Shammyr Kharl Bryan S. Soto, First Honors ti Kindergarten Batch 2.
Adda met 16 ti bilang ti nagturpos iti Kindergarten Batch 1 ken 13 met ti nagturpos iti Kindergarten Batch 2.
Iti sabali a bangir, 23 ti Nursery 1st Batch ken 18 ti bilang ti Nursery 2nd Batch.
Naiwaragawag nga inton Abril 17, 2012 ti pannakaiwaras ti Cards dagiti nagturpos ken enrollment inton Mayo 21, 2012 ditoy a pagadalan. # (Web In-Action)
DONORS TI TULONG ITI PAGADALAN
Mr. Joel Somera Brgy. Capt. & Mrs. Dodjie Santella
Ailyn’s Trading Mr. & Mrs. Jesar de Jesus
Mr. & Mrs. Ronald Mendoza Mrs. Grace Soller
Kindergarten Parents 2nd Batch
No comments:
Post a Comment