Thursday, March 8, 2012

NAIDANON TI SERBISIO MEDIKAL ITI DUA A KAADAYWAN A BARANGAY

Cabugao, Ilocos Sur – Nagturong ti grupo ti RHU Cabugao nga idauluan ni Dr. Lotgarda Tayao, Municipal Health Physician iti Brgy.  Maradodon ken Brgy. Catucdaan idi Marso 7, 2012 a no sadino a ditoy ket binakunaanda dagiti ubbing  iti anti-measles ken anti-mumps  babaen ti rubella vaccine ken kasta met iti Pneumo 23, pneumococcal vaccine,  para kadagiti nataengan a  kontra iti sakit a pneumonia.

Immuna a napanan  ti grupo ti Sitio Caset, kaamiananan  a parte ti Barangay Maradodon ket nagbakunada/nagagasda  ditoy kadagiti agindeg sada nagintek iti Barangay Hall a yan ti kaaduan nga agpabakuna ken agpaagas iti sentro ti barangay.

Kalpasan ti Barangay Maradodon, immallatiw ti grupo iti Barangay Catucdaan. Napakapetan  met dagiti agur-uray nga ubbing ken nataengan iti isu met laeng a bakuna.

“Pagyamananmi daytoy a gannuat ti Munisipio ta manmano ti makaisango a makaaramid ti kastoy a pannakaidanon  ti pagsayaatan,” impeksa ni Kagawad Romeo Castillo ti Barangay Catucdaan.
“Gapgapuk iti mitingmi a ket agyamanak ta nakamakamko ta andingayek met laeng dagiti kabarangayak a mangpasangbay kadagiti nagagaget a  taga-RHU. Agyamankami kada Mayor Ediboy  a  nangilungalong kadaytoy a gannuat.” Imbatad met ni Brgy. Captain Dominador Seguritan ti Barangay Catucdaan.

Sag-gudua nga aldaw dagitoy dua a barangay ti inlatang ti RHU Personnel ket apagisu laeng met a naileppas ti nagmalem dagiti makasapul daytoy a panagtaming ti salun-at. # (Web In-Action)

No comments:

Post a Comment