Cabugao, Ilocos Sur – Umabot ti maysa nga aldaw (24 0ras) a nagtalinaed da Dexter Somejo ken Walter Somejo, naasawaanda ken agnaed iti Brgy. Daclapan, Cabugao, Ilocos Sur.
Segun ken ni Dexter, nagrubuatda nga agkaka a napan nagkalap (payao) idi 11:00 P.M. ti Marso 5, 2012 (Lunes) ngem iti alas onse pasado ti aldaw ti Martes (Marso 6, 2012), bigla a nadadaelan ti makina ti bilogda a ditoy metten a nagtalinaedda iti taaw a mapatta-patta a 57 a milia ti kaadayona iti takdang.
Inlatak ni Dexter a napasnek a panagkararag ti inaramidda kabayatan a tinartarimaanda ti luganda. Adda naisar-ong a pump boat a napan nagpakat ngem iti distansiada ket dida naripar ida. Inggalutda ti bilogda iti floater ti payao tapno saanda a maisurot iti agus ken nakarkaro no agtawatawdan.
Nupay kasta, dida unay a sinamir ti pannakataktakda ta adda met umdas a balon ken aruatenda. Ngem ti saanda a pannakaawid ti nakaseknanda unay.
Idi agangay, dimteng ti dua a bilog a kabarangayanda a napan nagpakat iti asidegda ket dagitoy ti nangguyod kadakuada a nangyawid iti Barangay Daclapan.
Imbatad ni Brgy. Captain Quirino Manuel a nakipagbirokda met iti naireport a napukaw a kalugaranda. Innayonna a pinnaadu ngamin ti makalapan ti galad ti lumugar ditoy barangayna. Innayon ti Kapitan a saan unay a nadawi ti ikan no nalinak unay isu nga ad-adda a tumapogda no medio nagaraw ti danum ta narisrisak ti lames ta agbirokda ti taraonda.
Innayon pay ni Melchor Alzate, mekaniko ti water pump, a kasapulan a ma-testing ken nakakondision ti lugan sakbay nga agpataaw. Innayonna a mairaman daytoy a pagulidananda nga agkalap iti napasamak da Dexter ken Walter. # (Web In-Action)
Segun ken ni Dexter, nagrubuatda nga agkaka a napan nagkalap (payao) idi 11:00 P.M. ti Marso 5, 2012 (Lunes) ngem iti alas onse pasado ti aldaw ti Martes (Marso 6, 2012), bigla a nadadaelan ti makina ti bilogda a ditoy metten a nagtalinaedda iti taaw a mapatta-patta a 57 a milia ti kaadayona iti takdang.
Inlatak ni Dexter a napasnek a panagkararag ti inaramidda kabayatan a tinartarimaanda ti luganda. Adda naisar-ong a pump boat a napan nagpakat ngem iti distansiada ket dida naripar ida. Inggalutda ti bilogda iti floater ti payao tapno saanda a maisurot iti agus ken nakarkaro no agtawatawdan.
Nupay kasta, dida unay a sinamir ti pannakataktakda ta adda met umdas a balon ken aruatenda. Ngem ti saanda a pannakaawid ti nakaseknanda unay.
Idi agangay, dimteng ti dua a bilog a kabarangayanda a napan nagpakat iti asidegda ket dagitoy ti nangguyod kadakuada a nangyawid iti Barangay Daclapan.
Imbatad ni Brgy. Captain Quirino Manuel a nakipagbirokda met iti naireport a napukaw a kalugaranda. Innayonna a pinnaadu ngamin ti makalapan ti galad ti lumugar ditoy barangayna. Innayon ti Kapitan a saan unay a nadawi ti ikan no nalinak unay isu nga ad-adda a tumapogda no medio nagaraw ti danum ta narisrisak ti lames ta agbirokda ti taraonda.
Innayon pay ni Melchor Alzate, mekaniko ti water pump, a kasapulan a ma-testing ken nakakondision ti lugan sakbay nga agpataaw. Innayonna a mairaman daytoy a pagulidananda nga agkalap iti napasamak da Dexter ken Walter. # (Web In-Action)
No comments:
Post a Comment