Cabugao, Ilocos Sur – Ipatungpal ti Cabugao Municipal Employees Association (CABMEA) nga idauluan ni Miss Mimi S. Sison, Human Resources Management (HRM) Officer ti LGU-Cabugao ti panagehersisio (hataw) kas pangtungpal ti sinaguday ti nasao a memorandum idi malem ti Biernes, Marso 9, 2012.
Daytoy a pagannurotan ket immuna a nabukel babaen ti CSC Memo Circular No. 38, S. 1992: “Physical and Mental Fitness Program for Government Personnel” a napetsaan ti Setiembre 30, 1992.
Napasarunuan ti CSC No.6, S. 1995: “The Great Filipino Workout” a kapaset ti National Physical Fitness and Sports Development Program kadagiti empleado ti Gobierno iti panawen ti termino ni CSC Chairman Corazon Alma G. de Leon.
Ti MC No. 8 ket iyulitna nga iyetnag ti maysa-oras a “health awareness program” ti kada lawas ken 20 minutos ti “wellness or fitness program” iti inaldaw.
Ituyang pay daytoy a Memorandum (MC No. 8, S. 2011) ti plano nga agtultuloy a panangipatungpal ti pisikal nga ehersisio ken ay-ayam (sports) kadagiti amin nga agserserbi ti Gobierno.
Daytoy a pammilin ket naidirehe kadagiti amin a sanga ti Gobierno Nasional ken Lokal, pampubliko a pagadalan ti kolehio ken unibersidad kasta met ti Non-Government-Owned and Controlled Corporations (NGOCC’s) babaen ti panangipaulog ni agdama a CSC Chairman Francisco T. Duque 111, MD, MSc. (Web In-Action)
No comments:
Post a Comment