Monday, March 12, 2012

CULMINATION ACTIVITY ITI POPULARITY CONTEST TI CABUGAO SOUTH CENTRAL SCHOOL

Cabugao, Ilocos Sur – Naangay ti Culmination Activity iti Popularity Contest ti Cabugao South Central School a nakapilian ti Mr. & Miss Cabugao South Central School 2012:  His Royal Highness Jian Paolo Sajonia 1st ken Her Majesty Queen Nicole Alleah Santella 1st. . Naaramid ti parada iti kabigatan ti Marso 9, 2012 manipud iti eskuela sada nagrikus iti Poblasion. Kalpasanna, nagpabuya dagiti pre-school children iti sala iti auditorium ti eskuela.

Karabiyan iti dayta a petsa, naangay ti Coronation Ceremonies. Insaad da Mayor Edgardo “Ediboy” S. Cobangbang, Jr. ken SB Member Vicky S. Serna ti korona ti Ari ken Reyna. Nagasmang  met da Vice Mayor & Mrs. Danny Q. Gazmen kasta met da Cuantacla Brgy. Capt.  and Mrs. Charlie Siruno a nangipan ti Capa kadagiti Ari ken Reyna. 

Sashes  met ti binagi nga inted  dagiti agkapareha a Mrs. Perla Sajonia ken ti Adviser ni King Jian Paolo ken agkapareha a Mr. & Mrs. Humphrey Santella ken Adviser ken ni Nicole Alleah. Inted da  Nelbein Paul Nono ken Gicelle Ann Arizanga, napalabas  nga Ari ken Reyna,  ti Scepters ken nayawat dagiti tropeo nga  indonar da  Mr. & Mrs. Nestor Sajonia ken Mr. & Mrs. Edwin Jara.

Panagyaman iti Gobierno Munisipal  babaen ken ni Mayor Ediboy iti adu a naitulongda iti pagadalan  ken panangiparipirip ti pannakaileppas koma  ti alad ti pageskuelaan ti anag ti panglukat a sarita ni Mrs. Helen V. Siruno, Public Schools District Supervisor. Binigbigna met  ti sakripisio dagiti nagannak a kaduada a nangyusuat kadaytoy a pasamak. Imbinsana iti imatang dagiti opisiales ti LGU dagiti pagkasapulan pay iti pageskuelaan ket mangnamnama a maragpatdanto manen dagitoy a pagsayaatan dagiti agad-adal babaen ti tunosda nga agkalikagum.

Iti impaay a mensahe ni Mayor Ediboy, kinablaawanna ti amin a naitallaong a pakabuklan  dagiti agad-adal, nagannak ken opisiales ti PTA, mangisursuro, bisita ken opisiales ti Barangay nga idauluan ni Brgy. Captain Valentin S. Tuyor, Jr. ti Barangay Bonifacio iti natunos a pannakaaramid daytoy nga aktibidad. Innayon ti Alkalde a nakapinpintas ti turongen ti pageskuelaan kadagiti kakastoy a gannuat ket batang met ti Munisipio ti tumulong kas pangtutopna  met  kadagiti  gapuanan ken maitultulong   iti sektor-edukasion iti pannakikaysana  iti Gobierno Munisipal a mangpaspasayaat ken mangpadur-as ti kasasaad dagiti agad-adal ken ti pakabuklan dagiti  umili. # (Web In-Action) 

Ti napintas a mensahe ni Mayor Ediboy
Ti nagdindinamagan nga “Aweng ti Kawayan” iti Cabugao South Central School

No comments:

Post a Comment