Cabugao, Ilocos Sur – Nabobedaanen ti tallo a kuarto a pasdek-pagadalan ti Salomague Elementary School a pinatarimaan ti Gobierno Munisipal babaen ti panangilungalong ni Mayor Edgardo “Ediboy” S. Cobangbang, Jr.
Segun ken ni Mr. Ronel M. Ubaldo, Head Teacher 3 ti pagadalan, nakataltalek ita dagiti agad-adal nga ubbing kasta met dagiti nagannak ta natalgeden ti ayanda nga agbasa dagiti ubbing gapu ta napintas ti pannakabobeda dagitoy a kuarto a pagbasaanda a nakabusbosan ti Duagasut a Ribu a Pisos (P200,000) a naggapu iti Munisipio.
Innayon pay ni Mr. Ubaldo, a babaen ti kammayetda kadagiti nagannak (PTA) ket nausar ti proceeds ti inwayatda a Popularity Contest a pinanggatangda ti tallo a window grills ken dua nga steel windows a nainayon a nakaipet iti nasao a pasdek.
Mangnamnama pay ti Head Teacher a maisarsaruno ti pannakasemento ti paraangan ti eskuela ti Salomague ES.
Impeksa pay ni Mr. Ubaldo ti nalaus a panagyamanda ken ni Mayor Ediboy kasta met ken ni SB Member Vicky S. Serna, Committee on Education Chairperson iti pannakaited dagitoy a proyekto a nangpasayaat iti pageskuelaanda a pakabenepisiaran dagiti agad-adal ken lumugar iti Barangay Salomague. # (Web In-Action)
Segun ken ni Mr. Ronel M. Ubaldo, Head Teacher 3 ti pagadalan, nakataltalek ita dagiti agad-adal nga ubbing kasta met dagiti nagannak ta natalgeden ti ayanda nga agbasa dagiti ubbing gapu ta napintas ti pannakabobeda dagitoy a kuarto a pagbasaanda a nakabusbosan ti Duagasut a Ribu a Pisos (P200,000) a naggapu iti Munisipio.
Innayon pay ni Mr. Ubaldo, a babaen ti kammayetda kadagiti nagannak (PTA) ket nausar ti proceeds ti inwayatda a Popularity Contest a pinanggatangda ti tallo a window grills ken dua nga steel windows a nainayon a nakaipet iti nasao a pasdek.
Mangnamnama pay ti Head Teacher a maisarsaruno ti pannakasemento ti paraangan ti eskuela ti Salomague ES.
Impeksa pay ni Mr. Ubaldo ti nalaus a panagyamanda ken ni Mayor Ediboy kasta met ken ni SB Member Vicky S. Serna, Committee on Education Chairperson iti pannakaited dagitoy a proyekto a nangpasayaat iti pageskuelaanda a pakabenepisiaran dagiti agad-adal ken lumugar iti Barangay Salomague. # (Web In-Action)
No comments:
Post a Comment