Tuesday, March 13, 2012

NAIRUSAT TI TAX CAMPAIGN KADAGITI BARANGAY

Cabugao, Ilocos Sur – Paset ti programa ti Gobierno Munisipal babaen ti panangidaulo ni Mayor Edgardo “Ediboy” S. Cobangbang, Jr. ken ipatungpal  ti  Tesoreria-Munisipal iti panangidaulo ni Mrs. Lourdes A. Azcueta, Municipal Treasurer  ti pannakaiwayat ti Tax Campaign (panagbayadan ti amiliar) ti daga  kadagiti agnanaed ti barangay  ken re-classification ti amin a  daga babaen ti Municipal Assessor nga  idauluan met laeng  ti  Municipal Treasurer.
Buklen ti grupo dagitoy nga opisina ti agyeskediul  ti  papanda iti barangay  babaen ti pannakikoordinarda iti Punong Barangay a no sadino a ditoy ket maipormaran dagiti saan pay a nakabayad ti amiliarna (Real Estate Tax) a bumarangay a mapan agbayad.
“Mayat  daytoy a pamay-anda  ta umayda dumanonen  dagiti taga-Munisipio. No arigen, adu ti   trabaho ken turongen  ket no umayda,  mapalagipankami di la ket ta ma-pinalti datao ti miliar!” Kuna ti kaaduan  dagiti mannalon maipapan iti Tax Campaign.
Segun ken ni Mrs. Lourdes A. Azcueta, maar-aramid ti tax campaign iti  tinawen ken re-classification ti daga iti  kada tallo a tawen wenno indibidual a pannakasango. Ingunamgunam pay  ti Municipal Treasurer a masapul nga adda “willingness to pay” ti amin nga adda sanikuana a daga  iti pagrebbenganda iti Munisipio kas ituding ti Kodigo Lokal.
Dua a barangay ti kaaduan a saklawen ken maileppas  dagiti grupo ti ag-tax campaign ti maysa nga aldaw ken nangrugi idi Marso 1, 2012 ken agpatingga iti agtapos iti agdama a bulan. # (Web In-Action)

No comments:

Post a Comment