Wednesday, March 14, 2012

MAUSAR PARA ITI SAPASAP TI NAITED A HOSE

Cabugao, Ilocos Sur – Iti panagsig-at ti danum iti bulan ti Marso, dakkel a banag no adda madadaan nga ayuda ti natnatda nga ayus ti kali. Nupay kasta, ti bubon ti kaaduan a pagalaan ti lumugar ti  danum a pangbisibis kadagiti naisaruno wenno naud-udi a naimula a tabako, mais, wenno nateng ken na-2nd Crop a dati a kalubuan iti nalungog a paset ti pagtatalonan  ngem matikagan met no umadanin ti Kuaresma.

Maysa ti Barangay Maradodon kadagiti nabenepisiaran iti naited a Hose nga impaay  ti Gobierno Munisipal nga idauluan ni Mayor Edgardo “Ediboy” S. Cobangbang, Jr. kadagiti bumarangay iti nadakamat a lugar.

“Pagyamananmi unay  ken ni Mayor Ediboy  kadaytoy a naited a pangtulong kadagiti kalugaranmi. Uray met ket ania ti tiempona ditoy Maradodon ket nakasapulan latta  a talaga ti Hose saan laeng a para iti  mulmula no di pay ket ti  pang-emerhensia wenno pagteng ti pamilia ken kanaigna a pakausaran. Naisibar dagitoy a para iti sapasap ngem kasapulan met koma  nga annadan ken igigir dagiti agusar  iti pakaperdianna tapno manayon ti usarna,” impeksa ni Barangay Captain Geogie Ramos Benavidez.

Idi Marso 14, 2012, binunag dagiti nadutokan a bumarangay ti Barangay Maradodon iti imatang  da  Brgy. Captain Benavidez ken Mrs. Gemma S. Castillo, GSO Staff  ti  LGU-Cabugao  dagiti hose a naipempen iti sidiran ti Munisipio a naisibar para iti nasao a barangay.    Daytoy ket  nayon ti immuna a naiyaway a maus-usar metten ti sapasap  a pumurok. (Web In-Action)

No comments:

Post a Comment