Cabugao, Ilocos Sur – Naangay ti panagturpos dagiti agad-adal ti Elementaria/Primaria ken Kindergarten idi Marso 28, 2012 kas napagkaykaysaan dagiti pagadalan ti nagsasaruno nga eskediul a pannakaangay ti aktibidadesda iti dayta nga aldaw, segun iti Cabugao DepEd District Office.
Iti bigat ti Marso 28, 2012, immuna a nag-Closing/Recognition Program ti Cabugao South Central School, Salomague Elementary School, Namruangan Elementary School ken Carusipan Primary School.
Iti bigat ti Marso 28, 2012, immuna a nag-Closing/Recognition Program ti Cabugao South Central School, Salomague Elementary School, Namruangan Elementary School ken Carusipan Primary School.
Impaay ni Mayor Edgardo “Ediboy” S. Cobangbang, Jr. ti mensahena kadagitoy a nagsaruno a nagatendaranna. Kinablaawanna dagiti nagturpos, dagiti mangisursuro ken nagannak, Guest Speaker, bisita, Brgy. Officials ken amin a timmalantan iti nasao a pasamak.
Kangrunaan nga anag ti mensahe ti Alkalde ti panangituloy/panangipasnek dagiti nagturpos ti adalda, agtulnogda iti nagannak ken titserda. Pinagyamanan pay ti Ama ti Ili dagiti mangisursuro ken nagannak iti panangmulida dagiti agad-adal nga agbalin a mapangnamnamaan nga umili ti Cabugao iti masakbayan.
Innayon ni Mayor Ediboy iti panagsaritana kadagiti nadakamat a pageskuelaan a kitaen ti Gobierno Munisipal no kasano a makatulong kadagiti nayon a kasapulan dagitoy a pagadalan. Binigbigna pay ti pammateg dagiti pageskuelaan iti panangpilida kadagiti nagballigi a nagbasa iti eskuelada a kas “Guest Speaker” tapno pagtuladan ken pagulidanan dagiti agdama nga agturpos ket mangiturong ti panagballigi dagiti agad-adal iti ingangatoda iti tukad a ragpatenda.
Pinagyamanan met ni Mrs. Helen V. Siruno, Public Schools District Supervisor ti Cabugao DepEd District kadagiti naruay ken agtultuloy a tulong ti Gobierno Munisipal kadagiti eskuela-elementaria ken primaria iti masakupanda.
Kadua ni District Supervisor Helen V. Siruno da SB Member Vicky S. Serna, Committee on Education Chairperson ti Sangguniang Bayan, Mrs. Julia A. Cayso, Principal ti Cuantacla ES ken Carusipan Primary School, Miss Maxene S. Cobangbang, anak ni Mayor Ediboy a nagiyawat ti sagut ken pammadayaw nga inted ti Pamiliada ken Ms. Marian Sera iti grupo a nagallatiw a nagatendar iti closing/recognition program kadagiti nadakamat a pageskuelaan. # (Web In-Action)
DAGITI BILANG TI NAGTURPOS KADAGITOY A PAGESKUELAAN:
Nagan ti Eskuela Bilang ti Nagturpos
1.Cabugao SCS 53 ti Elementaria, 54 ti Kindergarten
2. Salomague ES 35 ti Elementaria, 23 ti Kindergarten
3.Namruangan ES 44 ti Elementaria ken 33 ti Kindergarten
 |
| Ni Miss Maxene S. Cobangbang |
 |
| Parents/Guardians |
Closing Exercises of Cabugao South Central School
********************************************************************************
Closing Exercises of Salomague Elementary School
********************************************************************************
Closing Exercises of Namruangan Elementary School
********************************************************************************
********************************************************************************
Closing Exercises of CarusipanElementary School
********************************************************************************
********************************************************************************
No comments:
Post a Comment