Monday, March 26, 2012

MAKAPAGAGAR TI PAKPAKAUNA TI PIESTA

Cabugao, Ilocos Sur – Naaramid ti Bingo Socials a nagpartisiparan dagiti umili a nangabakanda kadagiti gatad a naipapremio idi malem ti  Marso 24, 2012 iti Cabugao Cultural and Sports Complex, Brgy. Rizal, Cabugao, Ilocos Sur kas pakpakauna nga aktibidad a pangrambak iti umasideg a panagpiesta ti ili iti Abril 2012.
Iti rabii ti nadakamat nga aldaw, naangay ti Cabugao Birit Quest a nagpartisiparan dagiti kumakanta ti Junior Category ken Senior Category. Kas iti napalabas a Sabado, adu ti umili a  napan nagbuya iti Cabugao Central Park (CCP).
Saggaysa ti naikkat iti dua a kategoria kas paset ti eliminasion dagiti contestants agingganto  a lima ti matda nga agsasalip para iti Grand Champion.
Ti Birit Quest ket imatonan dagiti Production Staff nga idauluan da Mr. Bubot Somera ken Mrs. Mariedes de Leon-Soller, kapisi ti puso ni Rizal Brgy. Captain Teddy U. Soller a maysa met kadagiti  nangesponsor  iti pa-kontes  ken inlungalong ti Gobierno Munisipal   nga idauluan ni Mayor Edgardo “Ediboy” S. Cobangbang, Jr. # (Web In-Action)

No comments:

Post a Comment